BCCPAM000R00b-4-72p02d0000000

MANMAULEG NA PINAGAT. Cheluho ni husen-guaeya gi Korason Jesukristo: Guaha asaguamo; guaha famaguonmiyo; enao na malago yo nu hupa- gat hao finéna ke i pumalon taotao. Sa yagin ungefkunplei matagomo, ungéfsaga-ha, ya ti lahyeye hago-ha na maisa lao unnafangéfsaga lokue i famaguonmo; ya i manchátaotaomo ufañaonao gi minagofmiyo. Laojti unkunple i pekamo, yagin gago hao ya linalaisen hao ni matagomo, undesgrasiao hamyo yan i famaguonmiyo; ya i inalemo utinanme i palon taotao. Tunas-ha si San Juan Krisóstomo ni i umalog na i mañaena- ha ni i ti kumunple i pekañiha yumuyulañg yan hanafanatai- laye i señgsoñg yan i tanó siha. Enao mina, taemano-ha i guagualo haayeg naya i mauleg na semiya ni i utanme gi fangualuanña sa malago na umepa i kinekoña; guaho lokue ginen huayeg í pinagat siha ni i pinéloko na utinanmiye i korason i mangaiasagua; sa malago yo na ufanmanogcha megai na tinegcha sinantos yan minauleg ni i ufanhalom gi korason i famaguonñiha; ya i mandikiki ufaneeyag ya uhada- lalake i mañaenanñiha; ya mañisiha i mañaena yan i fama- guon, ufanmauleg gi halom taotao ya usantos i señgsoñgñiha; ya i mañgilisyano ufanmañule minauleg ya i Saenata as Yuus uninalá-matuna. Enao-ha hutatañga guine na tinigeho.