BCCPAM000543-2-03000000000000

Compendium Missionum 107 IAS SÓ RT ER ARRE rr Sa 107. Quando ergo Patres praedicti Provinciam ad hanc Baethicam redierunt, iam Ven. Fr. Franciscus de Pamplona Regis Catholici Epistolis (quarum unius contextum num, 88 retulimus) protectus, a Sac. Coneregatione de Propaganda Fide novam con- ducendi Missionem ad insulam de la Granada in eisdem Indiis Occidentalibus facultatem acceperat, vel paulo post accepit; nam anño sequenti 1650, cum Patribus Provinciae Aragoniae filiis (de qua prima Provinciae ¡llius Missione etiam locuti sumus supra num. 86), ut praedictam ad insulam se conferret, mari iterum ex Gadibus se dedit. Ex quo evidenter convincitur, KR. P. Lauren- tiam de Zaragoza in veritatis iudicium non venisse, quando suo supra num. 89 praetacto libello asserit: Missionem hanc de dicta Aragoniae Provincia ad insulam de la Granada, an. 1657 laudatum Ven. Fr. Franciscum de Pamplona conduxisse, Nam praeterquam quod Ven. hic an, 1651 in Portu de la Guayra extremum clausit diem, consequenterque an. 1657 operare natu- raliter nequibat: ex authenticis comprobatur testimoniis, Mis- sionem hane ex Hispania-an. 1650 exiisse. 108. Et licet tam a Sac. Congregatione de Propaganda Fide, quam a Rege nostro Catholico, praedictam Missio haec ad In- sulam de la Granada destinata fuit, scopum hune exequi ne- quivit. Nam cum ad eam Missionarii asportarunt, a Gallis, qui tune temporis Hispaniam oppugnabant, occupatam invenerunt: qua de causa ad Insulam de la Margarita statim peragrarunt, ubi DD. Franciscus de Santillana et Argote, qui ¡llius insulae regimen obtinuerat, eos benignissime recepit; cumque de illorum itineris causa instructus esset, illos monuit, ut ad Provinciam de Cumana pergerent, nam illic gentiles erant plurimi (etiamsi aliqui feroces, qui Caribes vocantur) quos ad Catholicam fidem trahere non difficulter possent: quo impulsu opus constanter susceperunt. 109. In Cumana Hl.mus DD, Fr. Ferdinandus Lobo del Cas- tillo, Sancti Joannis a Portu divite Episcopus (vernacule Obispo de Puerto rico), cuius ditioni in spiritualibus Civitas illa, eiusque limites pertinent, quando ad eam Fratres asportarunt, etiam erat; cumque de eorum adventu, deque instructus esset motivo, nimis laetus, eos tectis suis charitative excepit. Sed quia neque a Sac. Congregatione, neque a Catholico Rege, ad catholicam Evangelicamque doctrinam infidelibus, qui illa in Provincia erant, UN