BCCCAP00000000000000000001677

798 ISIDORUS DE VILLAPADIERNA apud Pontificium Institutum Orientale Romae, disciplinas theologicas et bíblicas per plures annos tradidit in Studio Theologico Ss. Salvatoris in Jerusalem; fossiones quamplurimas effecit in Locis Sanctis, quas scien– tifice descripsit sive in voluminibus sive in commentariis periodicis. Cf. Acta O.F.M. 110 (1991) 222s; Antonianum 67 (1992) 168-171; Rivista Biblica 40 (1992) 124-127. Eius bibliographiam vide in volumine miscel– laneo eidem dicato: Christian archaeology in the Holy Land, New discove– ries, Jerusalem 1990. In urbe Bologna die 22 februarii 1992 obiit Caelestinus Piana, pro– vinciae Bononiensis O.F.M. (1911-1992). Studiis superioribus peractis in Pontificio Athenaeo Antoniano Romae, ínter socios cooptatus est Com– missionis Scotisticae operibus Duns Scoti critice edendis. Paulo post Collegio S. Bonaventurae ad Claras Aquas adscribitur, in quo sedulam operam impendit in apparandis editionibus criticis operum S. Bernardini Senensis, Matthaei de Acquasparta, Alexandri Halensis aliorumque magis– trorum Ordinis. De his aliisque muneribus necnon de eius copiosa bi– bliographia cf. Antonianum 60 (1985) 167-183. Cf. etiam Acta O.F.M. 111 (1992) 74s. In oppido Grimaldi (Cosenza) die 6 maii obiit Hermenegildus Lío, provinciae Calabriae O.F.M. (1920-1992). Doctor theologiae et gradibus academicis variis honestatus in iure civili, canonico et in sociología, pro– fessor exstitit per plures annos in Pontificio Athenaeo Antoniano et in Universitate Lateranensi Urbis; fuit consultor Congregationis pro Doc– trina Fidei, consultor et peritus Concilii Vaticani II, membrum Commis– sionis centralis I synodi romanae et alía plura officia explevit in Curia sive romana sive vicariatus Urbis. Eiusdem publicationes, praesertim de re morali et canonica, vide in Pontificium Athenaeum Antonianum ab origine ad praesens, 338-342, et continuationes an. 1969-71, 1975-80. In urbe Napoli die 24 maii obiit Faustinus Antonius Prezioso, pro– vinciae Neapolitanae O.F.M. (1910-1992). Lauream philosophiae apud Pontificium Athenaeum Antonianum Romae adeptus, philosophiam do– cuit in studio suae provinciae et in Universitate urbis Napoli. Philoso– phiae mediaevalis Scholae franciscanae peritissimus plures elucubrationes, praesertim de Ioannis Duns Scoti doctrinis, edidit in commentariis perio– dicis necnon in operibus maioribus. Fuit etiam socius Commissionis In– ternationalis Scotisticae Pontificii Athenaei Antoniani. Isidorus de Villapadierna