BCCCAP00000000000000000001616

250 ISIDORUS DE VILLAPADIERNA urbis Genova, adscriptus est ínter socios Academiae S. Clarae, instituti stu– diorum et pervestigationum illius urbis. Frater capuccinus Damianus Iribarren de Aoiz, notus pictor et poeta provinciae Navarrae, primo praemio insignitus est in XV certamine interna– tionali poesis religiosae "San Lesmes Abad" a municipio urbis Burgos indic– to. Opus nostri sodalis Presencia enamorada inscribitur. Athanasius Matanié, professor Pontificii Athenaei Antoniani in Urbe necnon notus et validus scriptor de re franciscana historica et spirituali, die 20 aprilis nomismate seu cruce "Pro Ecclesia et Pontífice" decoratus est. Die 14 iulii apud Institutum Franciscanum Universitatis S. Bonaventu– rae Fratrum Minorum urbis St. Bonaventure, NY, sodalis Alanus B. Wolter, de re scotistica notus investigator atque editor, honoratus est nomismate "The Franciscan Institute Medal" et diplomate ah eiusdem Instituto. V. NECROLOGIA Die 19 martii in urbe Hinsdale, Illinois, obiit Marcus Hegener, provin– ciae Ss. Cordis O.F.M. in Civitatibus Foederatis Americae Septentrionalis (1919-1988). Habitum-induit an. 1938 et sacerdotio insignitus est an. 1945. Paulo post, ínter scriptores periodici commentarii Franciscan Herald and Fo– rum cooptatus, mittitur ad Collegium diurnariorum Universitatis Marquette in urbe Milwaukee, ubi gradum baccalaureatus in diurnaria scientia seu arte accepit. Moderationem periodici tenuit ah an. 1955 ad exeuntem an. 1985; plurimos commentarios in eodem evulgavit necnon opuscula separata, quibus spiritualitatem et vitae franciscanae rationem explicavit atque edocuit in profectum praesertim sodalium Ordinis Franciscani Saecularis. Iam ah anno 1949 susceperat munus procuratoris (vulgo manager) domus librariae "Fran– ciscan Herald Press" (Chicago, IL), quam sua industria et ingenio mirabili– ter auxit et pluribus seriebus publicationum instruxit. Mille librorum seu opusculorum ex illius domus prelo prodierunt non tantum de argumento franciscano sed etiam de quacumque re religiosa et de actione pastorali hisce nostris temporibus accommodata. Quoad opera franciscana maioris pretii et molis a domu libraría typis evulgata recolimus: The words o/ St. Francis. An Anthology (1952 2 1966 3 1982); St. Francis writings and early biographies: English Omnibus of the sources for the life of St. Francis, cuius editionis ipse M. Hegener fuit censor deputatus (1973 3 1977); Marion A. Habig, Tertiary's Companion (1961 3 1977), cuius novissima editio revisa prodiit an. 1984 hoc titulo: The Secular Franciscan Companion. Plura de promeritis no– stri sodalis enarrat B. O'Neill, Father Mark Hegener, O.F.M., Architect of