BCCCAP00000000000000000001315

258 Elizondo capite duodecimo praecipit ut cardinalis habeatur protector ut evan– gelium << quod firmiter promisimus observemus >> (146). Fratres non vo– vent evangelium, sed dumtaxat obedientiam, paupertatem et casti– tatem. Insuper, etsi clausula << Promittentes vitam islam ... >> verum votum contineret, dicendum esset tale votum ad tria substantialia consilia debere reduci, nam << regula et vita minorum fratrum haec est, scilicet, domini nostri /esu Christi sanctum evangelium observare vivendo in obedientia, sine proprio et in castitate >> (147). Ergo fratres aut vovent universum evangelium, quod non potest ullo modo admitti, aut vovent ipsam regulam in quantum continet evangelium tribus votis specifica– tum. Imo videntur fratres in primis de legislatione discussionibus, ad solutionem inveniendam, clausulam << Promittentes vitam ... >> non adhi– buisse; nam etsi Nicolaus III et Clemens V eam explanaverint, Grego– rius IX, qui verba ad evangelium respicientia et citat et explicat, ne verbum quidem habet de clausula praedicta (148). 2. - Si clausula promittentes seu voventes regulam extra normam minoriticam interpretatur, doctores non franciscani generaliter admi– serunt eam non ad omnia in legislatione contenta debere extendí, sed ad tria substantialia vota seu, ut dicit sanctus Thomas, ad << regularem vitam quae essentialiter consistit in tribus votis >> obedientiae, castitatis et paupertatis. 3. - Alía ex parte, si ex regula ad eiusdem interpretationem tam authenticam quam privatam confugimus, concludamus oportet saec. XIII religiosos, paupertatis plus aequo zelatores, autumasse strictam regulae observantiam et totis viribus propugnasse privilegia, inter– pretationes :pontificias et eiusdem mitigationes esse reicienda. Cardo quaestionis hic erat: fratres totum evangelium vovent; regula et evan– gelium unum quid constituunt; ergo regulam universam promittunt. Quae cum ita sint, auctores mediam viam propugnantes, quin de hoc cogitarent, hanc discussionum provinciam adiverunt suis ratiociniis (146) Regula, c. 12, p. 74. (147) Regula, c. 1, p. 63. (148) Exiit qui seminal, a. 1, n. 1, p. 186s.; Exivi de paradiso, a. 1, n. 1, p. 233; Quo elongati, 229b.