BCCCAP00000000000000000001315

De evangelii et regulae franciscanae 247 Ideo possumus et hic conclusiones breviter offerre: 1. - Fratres minores << promittentes ... regulam observare >> et vo– ventes << servare regulam fratrum minorum >> non se adstringunt ad universae regulae observantiam, ut saec. XIII sic vocati spirituales autumarunt. 2. - Obligantur imprimís et explicite ad trium votorum sub– stantialium adimpletionem, ut facile patet ex formula professionis. 3. - Ad alia in regula contenta dumtaxat tenentur eatenus qua– tenus in ipsa exprimantur sub verbis praeceptoriis, inhibitoriis aut eisdem aequipollentibus. 4. - Minus recte asseritur universam regulam fratres obli~ gare, sed prout ipsa obligat sibi: consiHa ut cons:lia, praecepta ut praecepta. Etiam minus recte dicitur fratres. universam promittere regulam, sed prout in ipsa consilia evangelica proponuntur. Etiam minus recte affirmatur regulam franciscanam sub gravi obligari. Haec dicta, etsi ad sensum certum et verum contrahi possint, non rectae interpretationi viam sternunt. Talis loquendi modus saecul.um XIII nimis sapiunt, qui nostris temporibus non recte possunt intelligi. 2. - De obligationum regulae fontibus. Planum est fratres minores ad tria vota substantialia, ut ceteri religiosi, sub gravi teneri. Hoc ab omnibus semper admissum est. Affirmandum etiam est regulae franciscanae praecepta sub gravi fratres obligare, ut tam documenta pontificia quam ordinis traditio semper propugnarunt. Sed possumus ulterius quaerere: quisnam sit fons huius gravis obligationis. Nolumus hic quaestionem de sancti Francisci mente exponere circa regulae obligationem, nec sententias saeculorum decursu propu– gnatas intendimus enumerare (97). Noster in materia scopus est tan– tum romanorum pontificum et priorum regulae expositorum mentem pandere. (97) Cf. nostram elucubrationem: FrnELIS [ELIZONDO] DE PAMPLONA, Origen de la obligatoriedad de la regla franciscana, Roma 1956.