BCCCAP00000000000000000001141

492 Elizondo * * * Ex omnibus quae hucusque diximus ciare apparet momentum singulare harum doctrinalium interpretationum. Etenim in his haben– tur: transmissores primaevae traditionis franciscanae, ut Quatuor ma– gistri, Hugo de Digna et sanctus Bonaventura, qui omnes ante bullam Exiit qui seminal eas redigentes potuerunt consulere et de facto consu- 1uerunt ipsissimos beati Francisci socios; viri sanctitate eminentes, qui toto corde autumabant et consentaneam ordinis evolutionem et inte– gram spiritus seraphici conservationem, ut sanctus Bonaventura et sanctus Ioannes de Capistrano; celeberrimi doctores, qui sua scientia suaque prudentia medium iter quaesierunt ad veram regulae inter– pretationem, ut Alexander de Hales, Ioannes de Rupella, Ioannes Peeham, David de Augusta, Christophorus de Varisio et consultores qui relationem ad romanum pontificem scripserunt ad bullam Exivi de paradiso praeparandam; fautores diversarum sententiarum relate ad regulae sensum et comprehensionem; etenim ínter eos habentur qui rigorismum redolent, ut Hugo de Digna et Petrus Ioannis Olivi; qui certe veritatem pervertunt suo mordaci calamo suisque extravagan– tibus ideis, ut Ubertinus de Casale et Angelus Clarenus; qui consen– taneam mediam tenent viam, ut maximi huius temporis regulae expo– sitores: Quatuor magistri, sanctus Bonaventura, Ioannes Pecham, Da– vid de Augusta, Bartholomaeus de Pisa et Alexander Ariostus. Habentur praeterea undecim regulae expositiones ad primum sae– culum franciscanum pertinentes, in quo tot fratres spiritu superna– turali exstiterunt pleni, tot eminentissimi floruerunt doctores, tot Fran– cisci socii vixerunt integerrimi, tot pontífices de regula disseruerunt. Ideo existimamus etiam hodie ad veram et perfectam regulae expla– nationem non posse pervenire sine scientifico et accurato accessu ad fontes franciscanos; nam, eis neglectis, deficit vera ordinis traditio, praecipua romanorum pontificum documenta extra contextum expli– cantur et periculum existit non mediocre regulam dimidiandi, cum tantum nuda Iittera, minime vero spiritus vivificans interpretetur.