BCCCAP00000000000000000001132

388 Elizondo rei explanationem, sed etiam ad argumenti probationem. Exemplum typicum nobis offerunt aliqui commentatores ante decretalem Exiit scribentes, qui, bulla Ordinem vestrum relinquentes, constitutioni Quo elongati adhaerent (117). Hoc exemplum nobis pandit quanta cum cautela debeamus semper adire authenticas expositiones. Quin hic velimus de hac momentosa quaestione theoretice disserere, animad– versionem facimus ut exemplum allatum et proh dolor! postea non semel innovatum (118), in futurum non amplius repetatur. Sed etiam sedulo animadvertendum est ultimam regulae authenticam declara– tionem non destruere ex hoc solo facto priores expositiones, quippe cum attente debeat considerari diversorum documentorum amicabi– le consortium aut eorumdem revocationis amplitudo. a) - Bulla << Quo elongati >>. Bulla Quo elongati an. 1230 promulgata, ab ipso Gregorio IX in duobus punctis nobis iam notis fuit mutata, scilicet, circa potestatem ad fratres recipiendos et concionatores examinandos (119). Sed hoc magis quam ad bullae revocationem ad ampliorem pertinet conces– sionem, ita ut possimus affirmare usque ad decretalem Ordinem vestrum constitutionem Quo elongati vim iuridicam exercuisse ideoque non posse ullum dubium haberi circa eiusdem revocationem. Innocentius IV, in prologo suae decretalis aperte confitetur se ple– niorem et clariorem declarationem redigere velle, ideoque iam seguitur in ipsa Gregorii expositionem superari. Hoc quod ex prologo debet admitti, evidenter deducitur ex eiusdem epilogo, nam ibi dicitur: << Nulli ergo omnino hominum liceat hanc paginam nostrae declarationis infringere vel ei ausu temerario contraire >> (120). (117) Cf. ANTONIUS A CoRDUBA, Dilucida expositio super regulam, Matriti 1616, q. 6 introductoria, f. 21r. (118) V. gr., ALBERTUS A BuLSANO, Expositio regulae, Mediolani 1889, c. 3, § 38, p. 123s; VIATOR A COCALEO, ab hoc auctore ibidem memoratus. (119) ÜREGORIUS IX, Gloriantibus vobis, 19 iun. 1241, in BF I, 298ab; Prohi– bente regula vestra, 12 dec. 1240, in BF I, 287ab. (120) INNOCENTIUS IV, Ordinem vestrum, 239b.