BCCCAP00000000000000000001132

386 Elizondo sive principaliores edant regulae interpretationes (108), fere semper appareat et haec Innocentii IV decretalis. Ipsimet romani pontifices aperte asserunt hanc bullam innocen– tianam esse regulae declarationem. Revera, lnnocentius IV aperte affirmat tam in initio quam in fine documenti regulae declarationem seu expositionem redigere se velle (109). E contra bulla Quanto studio– sius, in qua ampliores de syndicis concedit facultates, non declaratio sed concessio est appellata (110). Et loquens de pecunia, quae, ut vidi– mus, est materia in qua forsitan potest cogitari papam ultra regulam progredisse, aperte dicit recursum fratrum ad nuntium non esse contra regulam; nam hoc facientes << nec fraires per se vel per interpositas per– sonas denarios vel pecuniam recipiunt >> (111). Et postea summi pontí– fices non semel de Innocentii declaratione loquuntur (112). Et spe– ciatim de quaestione salebrosiore ab Innocentio IV agitata, scilicet, de nuntiis pro fratrum necessitatibus aut commodis sublevandis, ro– mani pontifices, indirecte sed expresse multoties asserunt hoc non esse contra regulam, sed simplicem eiusdem declarationem, quippe cum hoc statuant de nuntiis seu procuratoribus seu syndicis a Mar– tino IV et Martino V propositis (113), qui, procul dubio, maiorem habent potestatem circa pecunias acquirendas, conservandas et distri- (108) Conferantur editiones bullae Ordinem vestrum quas supra recensuimus. (109) << Nos, obscuritatem ab illis perfectae interpretationis declaratione om– nino amovere volentes et ambiguitatis scrupulum cura ipsa de vestris cordibus plenioris expositionis certitudine penitus amputare, dicimus ... >> (lNNOCENTIUS IV, Ordinem vestrum, 238a). << Nulli ergo omnino hominum liceat hanc paginam no– strae declarationis infringere vel ei ausu temerario contraire >> (ibid. 239b). (110) INNOCENTIUS IV, Quanto studiosius, 19 aug. 1247, in BF 1, 487b-488a. Sed, eo non obstante, utpote videbimus, etiam hoc documentum non est proprie concessio ultra sed iuxta regulam. (111) INNOCENTIUS IV, Ordinem vestrum, 238b. (112) E. gr., GREGORIUS X, Voluntariae paupertati, 5 nov. 1274, in BF III, 222b-223a; N1coLAUS III, Exiit qui seminal, Prologus n. 4, p. 185; a. 22, n. 1, p. 222. (113) MARTINUS IV, Exultantes in Domino, 18 ian. 1283, in BF 111, 50la-502a; MARTINUS V, Amabiles fructus, 1 nov. 1428, in BF VII, 712ab; Pervigilis more, 27 iul, 1430, in BF VII, 737a-739a.