BCCCAP00000000000000000001132

Bullae << Quo elongati » et << Ordinem vestrum » 381 rerum decisarum argumentum ad veram et nudam regulae declara– tionem trahenda esse. Revera, fratres amicum sancti Francisci et familiarem adeunt ut regulae obscura declaret, cum plene cognoscat institutoris intentionem tam ratione familiaritatis quam ratione con– silii, cum regulam sanctus redigeret et ab apostolica sede peteret con– firmationem (96). Gregorii IX sententia cum fratrum votis omnino concordat. Et haec tum religiosorum tum romani pontifícis conclusio in bullae decisionibus semper apparet. Nullum de hoc possumus habere du– bium, si diligenter examinamus papae responsa de sequentibus argu– mentis: 1) De evangelii obligatione: quamvis in codicis minoritici initio et fine videantur fratres ad omnem evangelii partem constringi, ex ipso regulae contextu facile deducitur contraria sententia, a Grego– rio IX adumbrata et postea a Nicolao I II et Clemente V plenius de– clarata (97). 2) De testamenti obligatione: cum hoc ad regulam non pertineat et eiusdem non obligatio ex rationibus iuridicis propugnetur, certe haec fuit sancti Francisci mens in eodem testamento expressa. 3) De fratrum expropriatione: aperte asserit fratres non habere ullam rem nec in speciali nec in communi, et insuper statuit bona immobilia ad benefactores pertinere. Bonorum mobilium proprietatem, etsi a Gregorio IX ciare non determinetur, videtur ad sanctam sedem tribuendam esse. Forsitan aliqui cogitent hanc solutionem ad sini– stram quamdam minus rectam viam propendere; sed putamus illam optimum, forsitan in concreto unicum, constituere modum ut regula ad praxim deducatur. Ideo Gregorii responsum ad integram pertinet regulae observantiam. (96) ÜREGORIUS IX, Quo elongati, 20s. (97) !bid. p. 21; N1coLAus 111, l. cit. a. 1, pp. 186-190; CLEMENS V, Exivi de paradiso, ed. Seraphicae legislationis textus originales, Ad Claras Aquas 1897, a. 1 ss, pp. 233-238.