BCCCAP00000000000000000001132

374 Elizondo ut postea videbimus, hanc Innocentii declarationem noluisse ordinem ad praxim deducere. Sed nihilosecius illa constituit secundum sollemne de regula documentum, quo omnes facultates et dispensationes usque tune temporis a romanis pontificibus concessae cum aliis novis authen– tice promulgantur. Bulla Ordinem vestrum sententias multorum fra– trum et vota proclamat, et ordinis statum circa testamenti oblivionem, dispensationum cumulationem et paupertatis mitigationem aperte ma– nifestat. Si bulla Ordínem vestrum cum constitutione Quo elongati, compa– remus, possumus considerare argumenta quae dicta bulla silet, quae addit, quae contradicit. Innocentius IV quaestionem maximi momenti, nempe de testa– mentí obligatione, non memorat, utpote iam omnimode a Gregorio IX decisam. Omnia alia capita a praedecessore suo declarata Innocentius reassumit partim idem statuens partim aliud praecipiens. Praeterea duo argumenta proponit ab illo non memorata, scilicet: officii divini diversi recitationem et ministrorum curam in necessitatibus infirmorum suble– vandis et vestimentis fratribus porrigendis. Insuper, contra bullam Quo elongati, sed Gregorii IX diversis aliis in documentis propositam sententiam teneos, eiusdem principia statuit circa delegandi facultatem tum ministri generalis ad concionatores approbandos tum ministri pro– vincialis ad fratres recipiendos. Si ad contradictionum quaestionem veniamus, tria sunt capita notanda, quorum duo prima materiam ordinis fundamentalem respi– ciunt, nempe: denarii prohibitionem et bonorum exproprietatem. Circa eleemosynas pecuniarias, ait, fratres possunt benefactoribus nuntios praesentare ve! ad eos recurrere non tantum pro rebus necessariis, ut dixerat Gregorius IX, sed etiam pro commodis; praeterea nuntii pos– sunt, sicut domini, pecunias conservare et ad beneplacitum fratrum dispensare. Quae omnia contra decessoris declarationem proclamantur. Igitur habentur et amicus spiritualis a regula concessus et nuntius, magnis facultatibus ornatus, ab illa non memoratus. Hic non est inter– posita persona a regula interdicta? Negative, respondet romanus pon– tifex, quia omnia dantium nomine possedit.