BCCCAP00000000000000000001060

16 Lázaro de Aspurz que fortium equitum (25). Et Iordanus refert quod, cum ei delata fuisset legenda de martyrio protomartyrum fraternitatis in Marochio, « audiens se in ea commendari, et videns fratres de eorum passione gloriari, cum esset suipsius maximus contemptor et laudis et gloriae aspernator, legendam respuit et eam legi prohibuit, dicens: Unus– quisque de sua et non de aliena passione glorietur » (26). Haec siquidem gloriatio solum legitima est: « In hoc possumus gloriari, in infirmitatibus nostris (2 Cor r2, 5), et baiulare quotidie sanctam crucem Domini nostri Iesu Christi >> ( 27). Franciscus videt fere omnes virtutes fundamentales vitae evan– gelicae sub specie paupertatis internae. Ipsa paupertas evadere potest obiectum appropriationis cum, ut accidebat in motibus reformatoriis epochae illius, sumitur ut mo– tivum iactationis vel signum hypocritae superioritatis asceticae aut ut hostimentum classis adversus structuras oeconomicas vel religio– sas. Ideo fundator noluit nomen Pauperum Minorum assumere, sed Fratrum Minorum (28). Quaevis forma vitae asceticae quae gestum externum colit Fran– cisco displicebat, uti contraria simplicitati et sinceritati evangelicae; et volebat ut fratres ne se ostenderent « tristes extrinsecus et nubilo– sos hypocritas >> (Reg I, 7). Abhorrebat etiam quidquid saperet propriam sufficientiam seu habitudinem absolutam in re spirituali. Seipsum sciebat limitatum, debilem, statibus animi subiectum; unde se praebebat humilem et parvulum coram Deo et hominibus, sed securum sub actione Dei incedebat. In epistola ad fratres in capitulo adunatos, post humilimam confessionem coram Deo et ipsis fratri– bus, in qua agnoscit se in multis offendisse, « sive negligentia sive (25) Leg. Perusina, ed. cit., n. 20, p. 46, ubi citatur Admonitio 6; Speculum Perf., c. 4, 4• (26) Iordani Chron., 8, ed. H. BOEHMER (Paris 1908) 26. (27) Admon. 5, H. BoEHMER, Analekten.. ., 29. Facile dignoscitur in hac ad– monitione basis doctrinalis ex qua efformatum est Floretum « pE¡rfectae laetitiae ». (28) Chronica Burchardi, Mon. Germ. Hist., SS XXIII, 376s; « Attendentes quod nonnunquam nimiae humilitatis nomen gloriationem importet et de nomine paupertatis, cum multi eam frustra sustineant, apud Deum vanius inde glorientur, maluerunt appellari Minores Fratres quam Minores Pauperes ».