BCCCAP00000000000000000000920

454 APPENDICE II Qui est celuy tant soit-il docte qui passant longues années en vne continuelle oysiueté, vagabond et inutile, ou qu'il s'oublie tant que de consommer sa vie en des desbauches, n'ayt en fin la pointe de son esprit toute esmoucée et ne deuienne rude, tardif, stupide et comme tout hebeté? ..... lngenium longa rubigine laesum Torpet et est multo quam fuit ante minus. Et toutefois ces M a r a g n a n s encore qu'ils soient perpetuelle– ment oysifs, ie veux dire sans lecture, sans estudes, n'ayant iamais eu l'vsage des lettres et mesme n'ayant iamais esté apris ny enseignez en aucune chose que ce soit, ont neammoins l'esprit et le iugement aussi bon qui se puisse trouuer. Ils sont douez d'vne discretion grande en toutes choses du monde. Ils sont fort susceptibles de tout ce que vous desirez leur faire en– tendre, et fort prompts à conceuoir tout ce que vous leur voulez ensei– gner, estans fort desireux de sçavoir et d'estre instruicts et aptes à imiter tout ce qu'ils voyent faire. Ils sont si attrempez et posez qu'ils vous escouteront fort atten– tiuement aussi long temps que vous voulez discourir sans vous inter– rompre aucunement. Iamais il ne leur arriue de detourber celuy qui est en quelque discours, et ne s'ingereront de parler lors qu'vn autre a pris la parole. Ils s'escoutent l'vn l'autre et ne parlent nullement en confusion ny plusieurs à la fois. Ce sont grands discoureurs et prennent grand plaisir en leurs dis– cours qu'ils tiennent quelquefois deux ou trois heures et plus, sans qu'ils hesistent ou qu'ils se perturbent aucunement, sçachant fort bien inferer les consequences des raisons que vous leurs donnez. Ils sont fort raisonnables et ne se laissent pas conduire que par la raison et non sans connoissance de cause. Ils s'estudient en ce qu'ils vous disent et en toutes leurs remonstrances à vous contenter de raison; aussi veulent ils estre payez de raison en tout ce que vous leurs voulez persuader. Avcvns les estiment merueilleusement obstinez; les autres disent qu'ils sont fort inconstants et variables. Ils 1:;ont à la verité fort in– constants si c'est inconstance de se laisser aller à la raison; car ils sont si dociles que par la raison vous les menez aysement çà et là. Ils vous obeissent aussi tost et leur faictes faire tout ce que desirez. Mais tant s'en faut que pour cela ils soient muables; au contraire c'est estre bien raisonnable et ce n'est pas obsti.nation... C'est vne chose admirable que leur parlant ainsi doucement et amia– blement, leur faisant voir par le menu que ce qu'ils auoient accoustumé n'estoit pas bien, cela les faisoit rentrer en eux mesmes. Tellement qu'at– tirez par la douceur et conuaincus par la raison, ils reconneurent à l'ins– tant la verité et tirerent eux mesmes cette conclusion, nous disant en leur langage: Aié catou, Toupan remimognan ièmognan motar ypotar eum mé noroyco chuénesésé. Tu dis vray, Dieu eust faict cela s'il eust esté necessaire, puis donc qu'il ne le veut point, nous ne le ferons plus... C'est vn peuple à la verité qui ne veut estre conduit par la rigueur, ains seulement par la douceur et par la raison. Ils sont fort ingenieux et industrieux pour faire tout ce qu'ils ont de besoing, soit pour la chasse, soit pour la pesche, soit pour la guerre.