BCCCAP00000000000000000000869

TESTAMENTI E CODICILLI CAPPUCCINI NEL '500 223 Eisdem anno, indictione, pontificatus, et die vigesima mensis augusti, co– ram reverendissimo patre domino Iohanne Antonio Lazzari, episcopo Ameri– no, meique notarii et testium infrascriptorum presentium, personaliter consti– tutus frater Mansuetus, cappuccinorum Ordinis minorum sancti Francisci novi– tius, in secolo cognominatus Visitarius, filius quondam Darii de Castro Poste, diocesis Reatine, qui volens iuxta tenorem regule sui Ordinis ac decreti sacri concilii Tridentini suam post annum probationis emittere professionem, hoc presens nuncupativum testamentum, quod de iure civili dicitur sine scriptis, sponte etc. facere procuravit et fecit in hunc qui sequitur modum, videlicet: Et primo commendavit animam suam omnipotenti Deo eiusque beatissi– me Virgini Marie ac seraphico patri beato Francisco totique Curie celesti. Item pro salute anime quondam domine Sancte, ipsius testatoris matris, iure legati et amore Dei reliquit ecclesie sancti Francisci Ordinis conventualium dicci Castri Poste infrascripta duo petia terrarum laborativarum, unum videlicet mensure copparum duodecim in circa, et alias pro tanto quantum est situm in territorio Poste et contrada sive vocabulo Il paco di Cerreto, iuxta bona Profilii Nocentii, bona heredum quondam Narcisi, omnium de dicto castro, bona communis dicci castri vel si qui etc.; alium [sic] vero petium terre laborativum sive canepinam, mensure dimidie coppe in circa, situm in dicto territorio et contrada sive vocabulo Canneto, iuxta bona heredum domine Francischelle N., bona heredum domine Clarelucis de dicto loco, flumen Poste, viam publicam, vel si qui etc. In omnibus autem aliis suis bonis mobilibus et immobilibus, iuribus et ac– tionibus presentibus et futuris ubicumque exhistentibus, instituit, fecit, esse voluit et ore proprio nominavit universales heredes [f. 235r] dominam Diono– ram et dominam N. sorores, filias quondam Antinori de eodem castro, ipsius testatoris sorores consobrinas, pro equali portione; et unaquaque earum mo– riente sine filiis legitimis et naturalibus, uni alteram superviventem substituit; et ambabus sine filiis decedentibus ut supra, substituit Andream et N., filios quondam Antinori, fratres germanos, ipsius testatoris fratres consobrinos de eodem castro Poste. Et hanc dixit esse suam ultimam voluntatem, quam valere voluit iure te– stamenti; et si iure testamenti non valeret, valere voluit iure codicillorum; et si iure codicillorum non valeret, valere voluit iure_ cuiuscumque ultime voluntatis, quo qua et quibus magis de iure valere et tenere potest. Cassans et annullans omne aliud testamentum et ultimam voluntatem a se hactenus conditum, et hoc voluit ceteris prevalere. Rogans me notarium etc.