BCCCAP00000000000000000000840

422 MICHAEL BRLEK toritate pollebant ratione vitae religiosae, ratione ingressus non pau– corum nobilium in hos duos Ordines, ratione experientiae in rebus gerendis decursu temporum acquisitae et ratione protectionis qua, saepe in detrimentum libertatis ecclesiasticae, gaudebant 4 • In conventu Fratrum Minorum Minister Provincialis Provinciae Ragusinae residebat (1517-1899) et post unionem cum Provincia S. Hie– ronymi, etiam Minister Provincialis Provinciae S. Hieronymi, imme– diate post primum et post secundum bellum mundiale, ibi sedem posuit. Fontes et bibliographia Historiam conventus momentosam et complexam synthesi redi– gere, facile non est ob copiam documentorum et litteraturae et mul– tiplicitatem argumentorum, nam historia completa conventus com– prehendere deberet praeter historiam generalero etiam investigatio– nem de novitiatu, de studiis gymnasialibus, ac praesertim philosophi– cis et theologicis, quae in conventu locum habuere; de bibliotheca et archivo, etiam extra limites nationis, inter investigatores scientifi– cos notis; de activitate oratoria, pastorali, missionali in territorio Turcis subiecto; de missionibus diplomaticis nomine Reipublicae a fratribus peractis; de laboribus scientificis et litterariis; de fratribus vitae franciscanae exemplo et sanctitate eminentibus; de scriptoribus et viris illustribus, praecipue episcopis; de valetudinario, pharmaco– polio et lanificio; de structura architectonica ecclesiae et conventus, praesertim de claustri arte praecellenti; de operibus artis ibidem servatis. De argumentis enumeratis exsistit bibliographia generalis, pro maiore parte argumentorum etiam specialis. Praeter opera generalia et elucubrationes speciales typis editas, notitiae et notae pretiosae inveniuntur in libris, ephemeridibus et collectionibus de rebus ragu– sinis obiter vel ex professo tractantibus. Multa vero, ne dicamus maior pars, inedita in latebris archivorum abscondita investigatorem soller– tem et editorem munificum expectant. In archivo conventus servatur archivum Provinciae olim Ragusinae, in quo eminent Acta et decreta Capitulorum ac Congregationum Provincialium ab an. 1649-1897 (7 voll.). In bibliotheca habentur manuscripta fratrum, manuscripta auctorum Ragusinorum aliorumque. In Archivo Status (Dubrovacki Drfavni Arhiv) remanserunt libri officiales Reipublicae Ragusinae, • Cf. K. Vomovré, Crkva i drzava dubrovackoj Republici, in Rad Jug.Akad., vol. 119, Zagreb 1894, 32-142 et vol. 121, ibid. 1895, 1-91; M. NovAK, Organizacija vlasti i odnos Crkve i driave u Dubrovniku u XVIII stoljeéu, in Anali Historijskog Instituta u Dubrovniku VIII-IX, Dubrovnik 1962, 413-438.