BCCCAP00000000000000000000827

DE INFIRMITATIBUS S. FRANCISCI ASSISIENSIS 127 fugiens, in quadam eremo commaneret, falco, in loco nidificans, magno se illi amicitiae foedere copulavit. Nam semper horam nocturno tempore, in qua Sanctus ad divina obsequia [Matutinum] surgere so– litus erat, cantu suo praeveniebat et sono. Quod Sancto Dei gratissi– mum erat, eo quod tanta sollícitudine, quam erga eum gerebat, omnem ab eo desidiae moram excuteret. Cum Sanctus aliqua infirmitate plus solito gravaretur, parcebat falco, nec tam tempestivas indicebat vigilias. Siquidem velut instructus a Deo (cf. 2 Tim 3, 17), circa dilucu– lum vocis suae campanam levi tactu pulsabat »rn 2 • Etiamsi aegritudinis genus a biographo silentio praetermittatur, vix veritatis historicae limitem egredimur, suspicantes Pauperculum tune vel ipsius febris intermittentis incursibus vel saltem eiusdem con– sectariis laborasse. 8. - Praecipuarum affirmationum compendium Ob huius indagationis scopum limitatum series infirmitatum S. Francisci ulterius protrahenda non est. Nobis siquidem finem praefiximus aestimare, utrum Pauperculus, similiter ac ceteri signiferi eum subsequentes, ante stigmatum susceptionem suam variis morbis insolitis laboraverit. 1) Luce clarius patet Nostrum iam ante praerogativam specialem in monte Alvernae mense septembris 1224 receptam frequenter aegro– tasse, et quidem non propter morbos tantum functionales vel psycho– geneticos, uti dicuntur, sed propter organa gravibus infirmitatibus af– f ecta, uti stomachi, malariae chronicae, oculorum, hepatis ac splenis. Nec principium nec frequentia singularum aegritudinum ob defectum testimoniorum accurate erui possunt. Nonnisi semel in fontibus pri– mitivis sermo fit de subitanea sanatione a morbo gravissimo. 2) Quantum ad morborum Sancti decursum haec retineri possunt: a) Mercatoris Petri Bernardonis filii tenera valetudo primum . in grave discrimen venit 1202/3, quando Perusiae in carcere detineba– tur. Quali autem aegritudine tune affectus fuerit, propter documen– torum silentium sola coniectura attingi potest (malaria vel minus probabiliter tuberculosis). b) Iam ad Christum plene conversus, Pauperculus ob cibos insa– lubres parcosque, necnon ob inhumanos labores in ministerio aposto– lico exantlatos mox stomachi vitium (ulcus gastricum) incurrisse vi- 102 2 Cel 168 : 228 et S. BONAVENTURA, Leg. mai., c.13, n.10 : 596, ubi innuitur rem Nostro obvenisse, « cum contraheret ibi [scil. in eremo Alvernae] moram ». Pro fusione utriusque eventus expositione Iectorem delegamus ad: Stigmatum susceptio, 34(1964) 23s, 34s.