BCCCAP00000000000000000000821

XII PRAEFATIO tualium factionis fautoris, hucusque tantum graece notum, in pri– migeniam redactionem catalanicam restituitur; infortunia narrantur Petri de L'Aquila, muneri inquisitoris infidelis; mens « spiritualis » adaperitur Francisci Eiximenis ex suo libro Primer del Chrestia. Saeculum XV praebet biographias de binis sodalibus Antonio « de Piscibus » seu de Catania, cuius tractatulus in defensionem Be– nedicti XIII editur, et Guilelmo de Vaurouillon, insigni scotista; nec- 11011 curiosum catalogum indulgentiarum Ordinum mendicantium. Saeculum XVI haec affert: sex documenta ad Minores Conven– tuales in Aragonia spectantia; primordia missionum franciscalium in Venetiola; contentiones inter Philippum II et papam franciscanum Xystum V, subsidium «Excusado» nuncupatum ab illo pertinaciter flagitantem. Volumini subiunguntur: biographica de Francisco Porter, hiberno franciscali, in dimicatione adversus iansenismum callido; adumbratio historiae septies saecularis conventus S. Francisci Ragu– sii, in Dalmatia praecellentis; tres denique lucubrationes quae ad historiam pertinent totius Ordinis franciscalis: de cultu S. Annae exhibito, de pictis « Arboribus seraphicis », et bibliographia regionis aprutinae in Italia. Volumen alterum totum, uti diximus, historiae familiae capucci– nae dicatur. Praemissa nota historiographica de quodam fonte hel– vetico Historiae capuccinae Matthiae a Salo, perfectissimum vitae evangelicae propositum in reformatione capuccina eluxisse ostenditur ex testimoniis primorum quinquaginta annorum. Dein, quae legislatio Ordinis decursu saeculorum de anno Sacrae Eloquentiae statuit, le– guntur. Tres pastea sequuntur dissertationes quae ad historiam ge– neralem Ordinis saec. XVI-XVIII spectant, et quidem quoad fontes spiritus missionarii, quoad influxum philosophiae modernae in scrip– tores capuccinos, et quoad habitudinem Ordinis ad scripta J. Tauleri. Ex saeculo XVII copiosa hauriuntur argumenta: ministerium sodalium veteris provinciae Parisiensis ínter peste affectos; bina in– cepta frustrata, scil. institutio missionis pro Anglia et Scotia, et fun– datio domus Olisipone pro missionariis italicis; habitudo haud semper propitia matritensis Consilii Indiis administrandis erga capuccinos, missiones ineuntes in America; Archangelus a Pembroke, curam agens ad conversionem Grotii procurandam; Antonius Franciscus ab An– cona, suspecti mysticismi; promerita Jacobi a Corella, de re morali scriptoris; operositas Conradi a Monheim ad maleficas de Geisling prope Regensburg ad meliorem frugem reducendas. Ex saeculo XVIII eduntur septem epistolae beati Apollinaris a Posat; et vocationem missionariam apud sodales hispanos post me– dium saeculum sopitam non fuisse ostenditur. Saeculum XIX offert tristem sortem capuccinorum polonorum exsilio in Siberiam multa-