BCCCAP00000000000000000000820

48 DE SPIRITUALITATE FRANCISCANA, - PARS PRIMA adversatur spiritui huius mundi, qui taín arete infirmae naturae no– strae inhaeret, veluti originalis peccati quidam fructus venenatus. Funesta esset illusio arbitrari, nos post aliquot annos claustralis vitae hunc saecularem spiritum e cordibus nostris iam penitus ex– pulisse, cum continuo illius vim et tyrannidem experiri etiam in– viti cogamur in motibus superbiae, cupiditatis et libidinis, qui– bus incessanter perturbamur et vexamur. Revera spiritus huius mundi est spiritus falsae libertatis, qui obedientiae et disciplinae iugum excutere quaerit ; est spiritus intemperantiae et lasciviae, qui interioris vitae dulcedinerri necnon orationis et studii gaudia parvipendit, dum potius distractiones mundi anhelat ; est spiri– tus socordiae et ignaviae, qui molestias vitae et austeritates fugit et cupidini libenter indulget. Huic nefario spiritui, tam altas in anima nostra radices agenti, saepe adduntur mala exempla, re– laxatio disciplina.e, corruptela saeculi, ita ut quidam fortis pror– sus invictusque animus requiratur, ut religiosus spiritus, qui fran– ciscanum virum decet, purus et integer in nobis conservetur. Singularis autem illa virtus propriis viribus obtineri nequit, ut aperte manifestum est, neque multum sperandum et exspectan– dum est a solis praescriptionibus, monitis et punitionibus Supe– riorum. Unica vis et unicus impulsus, quo quis moveri et incitari potest ad spiritum capuccinum constanter et fortiter per totam suam vitam exercendum et custodiendum, est fervens ac gene– rosus amor erga Dominum nostrum Iesum Christum, cum arden– ti desiderio vitam suam ad eius exempla conformandam. Hoc solo amore ductus Franciscus vitam pauperem, humilem et austeram elegit in eaque usque ad finem perseveravit, hoc amore sese trans– formavit in vivam Christi crucifixi imaginem. Itaque exemplo seraphici Patris nos quoque contendamus ad ferventem illam caritatem assequendam, quae per sancti Spiritus salutaria dona et gratiam ad perfectam unionem cum Christo nos perducat, ut et nos Christi crucifixi imagines cotidie magis effici et fieri me– reamur.