BCCCAP00000000000000000000799

486 Lib. V, Cap. IX, Art. H, Additamentum acolythi cum candelabris, post acolythos Fratres bini et bini ·per ordinem, ultimo loco Celebrans medius ínter Ministros sacros pluvialis fimbrias elevantes, et tecto capite. 2581. Refectorium erit in pavimento conspersum floribus; in extremitate ipsius erit efformatum Altare pallio violaceo instructum, tobalea superposita erit mensae hin'c inde a lateribus pendens; Crux velo violaceo tecta locata erit ínter sex candelabra cum candelis cerae albae accensis. Aderit in cornu Epi– stolae legile, seu cussinus cum Missali pro Celebrante; gradus Altaris erunt tapete, vel viridi, vel subobscuro cooperti. Prope Altare, in latere Epístolae, paratus erit abacus mappa alba obtectus, in quo disposita erunt: Evangelia– rium seu Missale pro Diacono; cincticulus albus exornatus reticulis ac taeniis oblongis pro Celebrante; urceus cum Relvi, manutergium et aliquantula panis medulla, pro manuum Celebrantis ablutione; mantilia ad abstergendos pectes; prope abacum vel retro Altare, vasa cum aqua calida et frigida, pelvis magna ad pectes lavandos; magnum aliquod vas, in quod effundatur aqua pro lo– tione adhibita. In cornu Evangelii sit scamnum panno coopertum, vel viridis, vel subobscuri coloris, super quod sedeant ii, quorum lavandi sunt pectes; a11te scamnum sit gradus seu subpedale in commodum Celebrantis. Sint super men– sas, floribus conspersas, aliqua Missalia pro Cantoribus. 2582. Cum ad refectorium perventum fuerit, Thuriferarius, Ceroferarii, Celebrans cum Ministris procedunt usque ad Altare. Religiosi ceteri refectorium ingressi, facta versus Crucem profunda inclinatione, ab utroque latere ante mensas consistunt, ut consistere solent ad benedictionem mensae, caput incli– nantes versus Celebrantem transeuntem. Celebrans, dum ante Altare pervenerit, cum Ministris caput detegit, et, facta Cruci profunda corporis inclinatione, aliis ministris genuflectentibus, ascen'dit ad Altare et illud osculatur. Diaconus descendit a latere, accipit ex abaco Missale, quod affert ad Altare ut pro Missa sollemni, et in medio mensae deponit. Thuriferarius ascendit in suppedaneum, Celebrans, Diacono ministrante cum osculis naviculam, Subdiacono sublevante fimbriam pluvialis, imponit incensum in thuribulo illud benedicens formula Ab íllo benedicaris etc., applicans sinistram Altari, dum benedicit. Hinc Thuri– ferarius, acolythi et Subdiaconus ante Altare sistunt; Diaconus accipit Missale de Altari, et genuflexus ante Celebrantem petit benedictionem, cui Celebrans formula Dorhinus sit etc. benedicit. Diaconus surgit et descendit a dexteris Subdiaconi: facta a Ministris, acolythis et Thuriferario genuflexione Cruci et reverentia Choro, pergit ad Evangelium canendum ut in Missa, Celebrante se convertente ad Diaconum more solito. Cantato Evang~lio, Subdiaconus de– fert librum osculandum Celebranti, Diaconus Celebrantem triplici ductu incen– sat. Celebrans accepta thurificatione et facta reverentia Cruci cum Subdiacono, descendit ad abacum; Diaconus, restituto thuribulo, aliis se adiungit, facta cum acolythis et Thuriferario Cruci genuflexione. Thuriferarius deponit thuribulum, acolythi candelabra ponunt super abacum. Celebrans deponit pluviale, Ministri manipulum; hi adiuvant Celebrantem sibi cingentem linteum, ac taeniis ligabunt.