BCCCAP00000000000000000000693

(8) MELCHIOR A POBLADURA 441 debere coniungi et alteram prioris fructum exquisitissimum esse » 18 docuit et fecit. Verumtamen fatendum est quod his aliisque argumentis auctor finem sibi praestitum non obtinuit et fortuna ei non arrisit nisi inchoata et labilis. Profecto Supremus Castellae Senatus decreto diei 3 nov. an. 1779 statuit ut in omnibus Hispaniae seminariis publicisque athenaeis praelectiones philosophicae Francisci a Villalpando traderentur; sed quatuor provinciae capuccinae Castellae professores, quorum senten– tia expetebatur, hunc textum recusarunt asserentes vetustam methodum scholasticam praeferendam esse in scholis eiusdem provinciae 19 • Adden– dum est quod in negativa sententia ferenda potiores habuit partes minister provincialis Nicolaus a Bustillo, qui etiam postquam ad su– premam Ordinis dignitatem evectus est (19 febr. 1796) recentiorem philosophiam oppugnavit. Siquidem agens de iuventutis recta institu– tione in suis litteris circularibus ad universum Ordinem missis die 16 dec. an. 1796, haec protulit verba: « Exhortamur etiam ut [lectores] se accommodent sententiae S. Bona– venturae, sequendo mentem S. Augustini in sacra theologia; in philosophia vero sequi debent antiquam, omissis multis inutilibus et imp2rtinentibus quae– stionibus; alia enim moderna nobis non prodest quidquam, quandiu noxia non est » 20 • Spes igitur Franciscum a Villalpando fefellit; sed memor forsitan effati quod « in magnis et voluisse sat est » 21 scribebat: « Interim me vestris praeceptis obtemperasse, praeclarumque Ordinem meum reliquis exemplo in ordinandis ad mentem vestram studiis praeisse, gloriabor honorique ducam » 2 2. Sed haec hactenus. Reliquum est ut exhibeamus Cursus Philosophici singularem nuncupationem, quae causa fuit proxima praesentis disser– tatiunculae, et est tenoris sequentis. Claritatis ergo, servata primige– nia textus forma et in paragraphos dispertita, ad calcem paginarum breves adnotationes apponemus. 18 JoANNES XXIII, Epistola ad Auuustinum Sépinski, in Acta O.F.M. 81 (1962) 66; Anal.O.F.M.Cap. 78(1962) 20. 19 Vicissitudines controversiae diu acriterque agitatae ob decretum, quo Cursus Philosophicus Francisci a Villalpando statuebatur sequendus in totius nationis universitatibus, seminariis et religiosorum collegiis, fuse illustrantur documentis adservatis Matriti: Arch.Hist.Nac. Consejos, leg. 5539. Quae quidem documenta scite pervestigavit Bonaventura a Carrocera (cf. Un capítulo de la historia de la filosofía en España, in Estud.Franc. 49[1948] 56ss), ex eiusque examine certas con– clusiones hausit. 20 Litterae circulares Superiorum Generalium Ord. Fr. Min. Capuccinorum, in Mon.Hist.O.FM.Cap. VIII, Romae 1960, 381s. 2 1 VERGILIUS, Elegiae II, 10, v.6. 22 Philosophia III, p.XIII. Verba desumuntur ex fusis litteris nuncupatoriis « potentissimo atque supremo Castellae Senatui, scientiarum omniumque litterarum protectori summo », quae plura continent scitu digna ad historiam rationis studio– rum illius aevi.