BCCCAP00000000000000000000583

DE EJUS EXISTEJNTIA, th. 1, n. 804-806 453 Anglicani, qui ritum externum admittunt, sed negant per ipsum gratiam conferri. Modernistae, secundum quos potestas sacerdotalis inde oriretur in communitate christiana ex necessitate ipsam vigilandi et ordini provi– dendi. «Seniores, qui in christianorum coetibus invigilandi munere funge– bantur, instituti sunt ab Apostolis présbyteri aut e,piscopi ad providen– dum necessariae crescentium communitatum ordinationi, non proprie ad perpetuandam missionem et potestatem apostolicam» (4). «Coena christiana paulatim indolem actionis liturgicae adsumente,, hi, qui coenae praeesse consueverant, characterem sacerdotalem acqui– sierunt» (5). 805. Censurai.-De fid. div. cath. definita in Conciliis Florentino et Tridentino. Conc. Florentino: «Sextum sacramentum est Ordinis, cujus materia est illud, per cujus traditionem confertur Ordo» (6). Conc. Tridentino: «Si quis dixerit Ordinem, sive sacram ordinatio– nem, non esse vere et proprie sacramentum a Christo Domino institu– tum, vel esse figmentum quoddam humanum, excogitatum a viris re– rum ecclesiasticarum imperitis, aut esse tantum ritum quemdam eli– gendi ministros verbi Dei et sacramentorum, a. s.» (7). Quoad Modernistas, cfr. adversarios hujus thesis. 806. Proba,tur ex Sacra Scriptura.- Stus. Paulus sctibit ad Timo– theum: «Noli negligere gratiam, quae in te est, quae data est tibi per prophetiam, cum impositione manuum presbyterii>> (8). «Admoneo te, ut resuscites gratiam Dei, quae est in te per imposi– tionem manuum mearum; non enim dedit nobis Deus spiritum timoris, sed virtutis et dilectionis et s'obrietatis» (9). In his verbis continentur omnia elementa essentialia ad sacramen– tum Novae Legis constituendum, nam: a) Ritus sensibilis est impositio manuum cum aliqua oratione, nam in Act. Apost. (10): «Has statuerunt. ante conspectum apostolorum et orantes imposuerunt eis manus», et in Act. Apost. (11): «Tune jeju– nantes et orantes imponentesque eis (Saulo et Barnabae) manus, dimi– serunt illos». Apostoli igitur manus imponebant, et aliquam orationem dicebant. Sed iste ritus sensibilis non est idem ac ritus sacramenti Confirma– tionis; nam sermo est de ritu quo Timotheo collata est potestas sacri ministerii, docendi et regendi ecclesiam, uti ex toto contextu colligitur. Praeterea Apostolus discipulum hortatur ut eamdem potestatem quam ipse habet, resuscitet in aliis per impositionem manuum... Agitur proinde de ritu sensibili, et de ritu Ordinationis. (4) DENZINGER, 2050. (5) DENZINGER, 2049. (6) DENZINGER, 701. (7) DENZINGER, 963; cfr. etiam 957, 959. (8) J Tim., 4, 14. (9) JI Tim:, 1, 6-7. (10) Act. Apost., 6, 6. (11) Act. Apost., 13, 3.