BCCCAP00000000000000000000583

'33-0 DE SSMA. EUCHARISTIA, th. 21, n. 589-592 589. Ratione theologica.-Caro Christi, in sacrif.icium D€o oblata, et per resurrectionem facta vivifica, est principium omnis sanctificationis ad nos derivatae; est veluti fons a quo omnis gratia dimanat; necesse igitur est ut huic carni adhaereamus et uniamur. Jamvero huic carni adhaeremus et unimur per manducationem ipsius in sacramento Eucha– ristiae. «Per vim igitur desiderii ex nóbis in ipsam tendentis, potest jam coe– lestis illa alimonia injicere animae nostrae vitam, sumptione deinde corporali perficiendam. Ideo enim Agnus, qui vitam suam pro homini– bus dedit, in mensa altaris jacet hostia aeterni sacrificii, ut theothytam · carnem, homines sancto desiderio delibantes, vitam habeant, et abun– dantius habeant corporaliter satiati» (14). 590. Scholion I: SSma. Eucharistia est necessaria necessitate prae– cepti divini.-Nam tota retro Traditio christiana verba Domini: «Nisi manducaveritis carnem Filii hominis et biberitis ejus sanguinem, non habebitis vitam in vobis» .(15), de sacramenti manducatione semper in– tellexit et de praecepto divino cui gravissimam poenam injunxit: «Non habebttis vitam in vobis.» Praeterea Christus dixit: «Hoc facite in meam co,mmemoratio– nem» (16). His in verbis Christus praecipit ut fiat id quod ab ipso factum est in Coena. Sed in Coena Christus consecravit, distribuit et dedit seip– sum manducandum. Ergo Christus praecepit sui manducationem. 591. Scholion II: Non tamen omnibus praecipitur communio sub utraque specie.-Nam in verbis supra relatis Christus loquitur quidem de praecepto sumendi, non vero de modo sumptionis. Et revera, sub una tantum specie adest totus et integer; et manducationi unius speciei totum effectum tribuit: «Qui manducat hunc panem, vivet in aeter– num» (17). Idem constat ex praxi Ecclesiae• antiquissima et hodierna. 592. Scholion III: SSma. Eucharistia est necessaria necessitate prae– cepti ecclesiastici.-Conc. Lateranense IV (18) praecepit communionem annualem, et Conc. Tridentinum sancivit his verbis: «Si quis negaverit, omnes et singulos Christi fideles utriusque sexus, cum ad annos dis– cretionis pervenerint, teneri singulis annis, salterñ in Paschate, ad com– municandum juxta praeceptum sanctae matris Ecclesiae, a. s.» (19). Codex Juris Canonici: «Omnis utriusque sexus fidelis, postquam ad annos discretionis, id est ad rationis usum pervenerit, debet semel in anno, saltem in Paschate, Eucharistiae sacramentum recipere, nisi for– te de consilio proprii sacerdotis, ob aliquam rationabilem causam, ad tempus ab ejus perceptione duxerit abstinendum» (20). (14) DE LA TAILLE, op. cit., pag. 609. (15) Joan., 6, 53. (16) Le., 22, 19. (17) Joan., 6, 59. (18) DENZINGE¡t, 437. (19) DENZINGER, 891. (20) CoDEX JURIS CANONICI, canon 859, § l.