BCCCAP00000000000000000000579

45 Infeliciter reipublicae Hispaniarum condicio in melius haud mutabatur. Idcirco necesse omnino erat crescentibus sodalium re– ligiosorum necessitatibus quoquomodo providere tam in ditionibus hispanicis quam in ceteris orbis regionibus. Et reapse biennio transacto, nimirum die 16 martii anni 1838, Gregorius XVI per apostolicum breve In sublimi « ratione habita eorum fratrum praesertim, qui calamitosissimis hisce temporibus ad Hispaniae pertinent coenobia », supremum Ordinis moderatorem instituit, « excepta peninsula Hispaniae, pro qua, quemadmodum misera illius regionis condicio postulat, Commissarium apostolicum cer– tis facultatibus praeditum ad huius Apostolicae Sedis nutum de– putabimus »" 1 • Ex quibus quidem verbis quis suspicari poterat sententiam superiorum curiae Romanae Ordinis praevaluisse. Nihilominus non ita factum est, nam figura iuridica, ut aiunt, superioris ad regendos sodales capuccinos Hispaniae valde differt ab ea quam ipsi supplici libello diei 3 novembris anni 1835 adum– braverant. Siquidem nominatur Commissarius apostolicus, et non generalis""; insuper eidem consiliarii non deputantur; ceterum certis temporis limitibus munus non circumscribitur. Quae omnia clare significantur verbis decreti S. Congregationis Episcoporum et Regularium, quod est tenoris sequentis 23 : Ex Decreto huius S. Congregationis Episcoporum et Regula– rium, et litteris apostolicis in forma brevis sub die rn martii 1838 SS.D.N. Gregorius PP. XVI novum Ministrum generalem Fratrum Minorum Capuccinorum S. Francisci ad proximum sexennium desti– navit, eique curam et regimen totius Ordinis concredidit, excepta Peninsula Hispaniae, pro qua ratus est Commissarium Apostoli– cum delegare certis facultatibus instructum, prout illius regionis conditio postulat. Qua propter Sanctitas Sua, auditis nonnullis S.R.E. Cardinalibus ex eadem Congregatione delectis, Patrem Fir– minum de Akaraz Provinciae utriusque Castellae Hispaniae pro– fessum, ex-Secretarium et ex-Commissarium generalem, in Com– missarium Apostolicum Fratrum Minorum Capuccinorum, qui ad conventus eiusdem Peninsulae pertinent, ad nutum et beneplaci– tum S. Sedis elegit, atque constituit, eique tribuit facultates om– nes, quibus antea Vicarii Generales fruebantur, facta insuper po– testate Patres Provinciales et Definitores Provinciales citra celebra– tionem Capitulorum deputandi. Constitutionibus Ordinis, aliisque contrariis quibuscumque non obstantibus. Romae :rn martii 1838. Josephus Antonius Sala Cardinalis Praefectus Loco + Sigilli Joannes Soglia Patriarcha Constantinopolitanus Secretarius. • 21 In Ministrum generalem electus est Eugenius a Rumilly, provinciae Sabau- drne alumnus, qui durante munere obiit die 28 martii anni 1843. Cf. Lcxicon capucci– nmn, 557; Bull.O.P.M.Cap. X, 61-62. . ~e. C_om~lissarius _generalis iu~e particulari Ordinis designabatur Procurator, qui vices Mrn1str1 generahs gerebat. Cf. supra notam 16. 23 Textum exscribimus ex exemplari typis edito (Romae, ex Typographia R<ev. ~am. Apostoli~ae, 1838), ubi tamen (uti in textu Bullarii cit. G4) Jegitur breve aposto– hcum In subltmi datum esse die 13 martii et non die 16 eiusdem mensis anni 1838.