BCCCAP00000000000000000000574

200 ISIDORUS DE VILLAPADIERNA IV. CELEBRATIONES, NOMINATIONES, INSIGNIA Die 4 ianuarii in ecclesia S. Francisci sodalium conventualium urbis Foligno, ubi exuviae custodiuntur beatae Angelae, sollemniter indictus est annus praeparatorius celebrationum VII centenarii a conversione ipsius mysticae feminae. Inter alia incepta, recolere iuvat criticam editionem Libri beatae PP. Editoribus Collegii S. Bonaventurae ad Grottaferrata commissam, ut supra iam diximus (I), eiusdem Libri versionem italicam, collectionem et expositionem iconographicam et bibliographicam, con– ventum internationalem de vita et opere spirituali beatae Angelae. Apud conventum S. Francisci iam octo acroases dictae sunt mensibus novem– bris et decembris. Cf. Comm. O.F.M.Conv. 81 (1984) 86s; Osserv. Rom. 5.I.1984, 6. Quarto appropinquante centenario ab electione Summi Pontificis Sixti V (1585), Ordinis Fratrum Minorum Conventualium, celebrationes praeparatoriae inceptae sunt. In oppido natali Grottammare (Ascoli Pi– ceno), cura romanae Academiae Sixtinae mense augusti habitus est con– ventus in quo I. De Feo disseruit de Sisto V, una vita esemplare, secutusque est interventus episcopi G. Chiaretti. Cf. Osserv. Rom. l.IX.1984, 5. Die autem 6 octobris in urbe Camerino, et cura Consilii municipio administrando necnon praedictae Academiae Sixtinae, et alter conventus agebatur, disserente G. Boccanera: Camerino e Sisto V. Cf. Osserv. cit. 16.XII.1984, 6. Trecentesimo quinquagesimo recurrente anniversario a nativitate eximii scriptoris capuccini Martini de Cochem, plures celebrationes re– ligiosae et culturales actae sunt a die 15 octobris ad 28 aprilis 1985 in oppido natali et aliunde, utputa acroases, expositiones bibliographicae necnon varii generis vitam, operam et aevum nostri scriptoris illustrantis. Prodiit etiam volumen miscellancum commemorativum: Martín van Cochem (1634-1712), de quo vide supra, 138s. Altero revoluto saeculo a morte Iuniperi Serra, insignis inceptoris ac fundatoris missionum franciscanarum Altae Californiae, plures celebra– tiones ad eius memoriam recolcndam habitae vel habendae sunt tam in patria hispanica tum in Statibus Foederatis Americae Septemtrionalis necnon in Mexico. Huiusmodi actus commemorativi iam a die 28 augusti agebantur in oppido natali Petra. Die 23 septembris episcopus de Palma de Mallorca annum serranum sollemniter indíxit. Die 12 octobris guber– nium hispanicum peculiare pittaccium cursuale emisit. Cf. Catlz. Hist. Rev. 71 (1985) 167. De celebrationibus in Statibus Foederatis recolendus est cyclus acroasium de Iunipero Serra habitus apud Archivum Missionis S. Barbarae a mense octobri ad iunium 1985 (cf. ibid. 158s). Sociata opera Academiae Historiae Americano-franciscanae, Conferentiae Historiae Latino-americanae et Consociationis Historicac Catholico-americanae sym– posium actum est in urbe Chicago, de quo cf. Americas 41 (1984-85) 252s. Praeterea tria seminaria studii indicta sw11, quorum primum die 5 octobris in Mount Saint Mary's College urbis Los Angeles agebatur; cetera habebuntur apud Universitates urbium San Francisco et San Diego. Huius