BCCCAP00000000000000000000566

228 IS!DORUS DE VILLAPADIERNA sci Jiménez de Cisneros, cuius causae beatificationis erat vice po,tulator; in illius memoriam annuam instituit commemorationem in Universitate Com– plutensi, in qua et Centrum Studiorum Complutensium erigere curavit. In historia praesertim franciscana apprime versatus, multas et optimas pervesti– gationes, documentis saepe allatis, evulgavit in commentariis Archivo Ibero– americano, quos moderatus est ab an. 1983 necnon in aliis periodicis et in actis congressuum internationalium. Hoc nostrum Institutum Historicum fraterno obsequio honestavit binis elucubrationibus, quarum una typis vulga– ta fuit in periodico CF 29 (1959) 87-104, altera in Miscellanea Melchor de Pobladura I, Romae 1964, 335-345. Amplissima introductione aestimavit ac commendavit editionem operis: Juan de Pineda, O.F.M. [Obs.], Diálogos familiares de la agrirnltura cristiana (Biblioteca de Autores Españoles. Conti– nuación, 161-163, 199, 170), Madrid 1983-84; itemque fecit quoad editio– nem, in serie Crónicas franciscanas de España, operis: P. M. Ortega, Crónica de la provincia franciscana de Cartagena. Partes I-III, Madrid 1980-81. - Alias notitias biographicas vide in Arch. Ib. Amer. 47 (1987) 345-348 vel in Acta O.F.M. 106 (1987) 329s. In urbe Mechelen die 24 octobris obiit Archangelus Houbaert, provin– ciae S. Ioseph in Belgio Fratrum Minorum (1902-1987). In Ordinem recep– tus an. 1918 et ad presbyteratum promotus an. 1926, humanas disciplinas edocuit in collegio de Lokeren, cuí praefuit ab an. 1934. Anno 1945 in conventum de Sint-Truiden transfertur, munere fungens archivistae provin– cialis, quod usque ad an. 1983 tenuit. Anno 1946 inchoavit periodicum Franciscana pro historia, bibliographia et nuntiis provinciae, cum quo an. 1967 fusum est aliud periodicum, scil. Bijdragen voor ele geschieclenis van de provincie der Minderbroeders in de Nederlanden. Periodici Franciscana, in utraque periodo, ipse fuit redactor primarius usque ad an. 1981. In eodem iam ab an. 1946 curaverat annuam rubricam bibliographicam; an. 1971 et aliam instituit rubricam scil. Kloosterlexicon in qua notitias 25 conventuum regionis flandro-belgicae exaravit. Haud paucas notitias biographicas accura– te redactas, ut mos illi erat, edidit in De Katholieke Encyclopedie, Dictionnai– re de Spiritualité et Nationaal Biographisch \Voordenboek. - Ampliara de vita et operositate huius sodalis vide in Franciscana 43 (1988) 3-12. In urbe Nijmegen die 6 decembris obiit Gerlachus Schummer de 's– Hertogenbosch, provinciae Neerlandicae Fratrum Minorum Capuccinorum (1901-1987). Habitum induit an. 1919; sacerdotio auctus an. 1927, ad Uni– versitatem Catholicam Lovaniensem mittitur, ubi historicas disciplinas, ar– chaeologiam et historiam artis didicit laureamque an. 1931 assecutus est. Iam an. 1930 nominatus fuerat redactor primarius commentariorum Francis– caans Leven, quorum maderamen tenuit usque ad an. 1958; insuper, ab