BCCCAP00000000000000000000565

LITTERAE CIRCULARES MINISTRI GENERALIS AD OMNES FRATRES ORDINIS DE INSTITUTO HIST0RIC0 ORDINIS NOSTRI QUINQUAGESIMUM FUNDATIONIS ANNUM AGENTE Hac die 14 novembris 1980 Institutum Historicum Ordinis quinquagesimum fundationis annum complet. Post erectionem As– sisii factam anno 1930, Romam translatum est anno 1940. Servitii, quod idem Institutum praestitit ac in futurum toti Ordini certe praestabit, plene conscii superiores generales, occasione translationis Collegii Internationalis S. Laurentii Brundusini in Urbis suburbium anno 1968, aequum putarunt eidem Instituto dignam sedem assignare iuxta idem Collegium. Quin immo, fovendis de historia Ordinis in– quisitionibus, anno 1971 de transferenda Archivii generalis sectione historica in aedes eiusdem Instituti curarunt. Vigesimo quinto iam erectionis anno (1955) praedecessor noster P. Benignus de S. Ilario Milanese, suis litteris circularibus ad universum Ordinem missis (cf. Analecta O.F.M.Cap. 71 [1955] 225- 228) Instituti socios laudavit ac de peracto labore gratias egit. Per– opportune vero, in eodem periodico Analecta (238-259), ampliar quaedam informatio de fine, historia atque fructibus eiusdem Insti– tuti vulgata est. Idem noster praedecessor finem dicendi faciebat exoptans atque ominans ampliorem potentioremque eiusdem Instituti futuram actuositatem. Non sine magno animi gaudio nos hodie testificari atque Ordinem universum certum reddere va!emus illud votum plenissime impletum: his enim postremis 25 annis idem Institutum non solum suis officiis non defuit, sed etiam sua scientifica incepta abunde duplicavit. Periodici Collectanea Franciscana, quod iure merito inter prae– stantiora folia inquisitionis historicae atque culturalis adnumeratur, quinquagesimum volumen in lucem prodiit. Item, supplementum Bibliographia Franciscana eidem adnexum, in quo critice recensetur quidquid de re franciscana vulgatur, iam tredecim volumina complec– titur. Anno vero 1972, ad expeditiorem reddendam consultationem 31