BCCCAP00000000000000000000564

210 ISIDORUS DE VILLAPADIERNA S. Theologia an. 1964 a ministro generali decoratus est. Cf. adhuc Comm. O.F.M.Conv. 73 (1976) 187; Osserv. Rom. 1976 agosto 17-18, 7. In nosocomio oppidi Frascati (Roma) a sorore morte arreptus est die 11 iunii Petrus de Alcántara Martínez (1924-76), provinciae Baeticae Fratrum Minorum filius. Ordinem ingressus est die prima septembris an. 1940; sacerdotio insignitus die 2 aprilis an. 1949, licentiam in theologia obtinuit apud Pontificium Athenaeum Antonianum de Urbe an. 1950, lauream autem in Pontificia Univer– sitate Salmanticensi an. 1953 dissertatione Virgo Redempta. Estudio de historia de la teología sobre la redención de la Virgen Santísima en los siglos XIII– XVIII, partim edita in Verdad y Vida an. 1954. Lector exstitit theologiae in monasterio de Guadalupe et inde ab an. 1954 praefectus studiorum et an. 1960 magister clericorum. Anno 1961 in Commissionem theologicam Collegii S. Bo– naventurae ad Quaracchi cooptatus est; assiduus particeps congressuum natio– nalium et internationalium theologiae, mariologiam et iosephologiam praesertim scholae franciscanae clare et erudite exponebat. Viginti et quattuor commen– tarios necnon 30 relationes vulgavit de re theologica, et hoc opus maius: Conradus de Saxonia, Speculum seu salutatio Beatae Mariae Virginis ac ser– mones mariani (Grottaferrata 1975). Ampliorem bio-bibliographiam vide in Arch. Franc. Hist. 70 (1977) 156-167. Cf. et supra, 155s. In urbe Fiesole die 7 septembris obdormivit in Domino Dionysius Pacetti (1894-1976), provinciae Tusciae Fratrum Minorum sodalis. Seraphicae militiae nomen dedit die 26 iulii an. 1909. Sacerdotio insignitus die 18 septembris an. 1920, superiora studia philosophiae peregit in Universitate Catholica Ss. Cordis an. 1921-25; laurea decoratus disciplinas tradidit ab an. 1925 ad 1940 in variis studiorum domibus provinciae. Cultor praesertim studiorum bernardinianorum, S. Bernardini Senensis sermones latinos italice versos vulgavit an. 1929 et 1932 necnon eiusdem sermonum vulgarium anthologiam an. 1935 et deinde integralem editionem an. 1938. Promotor fuit fundationis periodici Bullettino di Studi Ber– nardiniani ( 1935-50). Investigationes historico-criticas de re bernardiniana, de S. Iacobo de Marchia aliisque auctoribus franciscanis edidit in periodicis commentariis Archivum Franciscanum Historicwn, Studi Francescani et Col– lectanea Franciscana. Anno 1940 in socios cooptatus est Commissionis operibus omnibus S. Bernardini critice edendis apud Collegium PP. Editorum de Qua– racchi; Commissioni praefuit ab an. 1945 ad 1966. Ipse opus exaravit introduc– tivum: De S. Bcmardini Smensis operibus. Ratio criticae editionis (1947; cf. Col/. Franc. 20 [1950] 137-139). Huius editionis criticae novem ponderosi tomi (1950-65) insigne monumentum constituunt ingentis laboris moderatoris socio– rumque Commissionis. Ampliorem bio-bibliographiam vide in Studi Franc. 73 (1976) 411-420. In oppido Arta (Maioricensis ínsula) die 13 septembris pie occubuit Raphael Ginard Bam;a (1899-1976), provinciae Immaculatae Conceptionis Tertii Ordinis Regularis in Hispania. Habitum induit die 23 iulii an. 1916, et sacris initiatus est die 5 aprilis an. 1924. Rei litterariae impiger cultor plura edidit sermone maioricensi, ínter quae maximi pretii sunt quattuor volumina operis Can9oner popular de Mallorca (1967 ss). Investigator etiam rei lullianae, titulo magistri Maioricensis Scholae Lullisticae decorari meruit; ipse enim auctor est, praeter alía, eruditae introductionis operi Blanquema praemissae in volumine Obras literarias Raimundi Llull an. 1948 edito. Promerita apostolica et litteraria nostri sodalis quinquagesimum anniversarium a suscepto presbyteratu celebrantis, mi– nister generalis, litteris die 6 aprilis an. 1974 datis, iure optimo extollebat. Cf. Anal. T.O.R. 13/124 (1974) 266s; 13/127 (1976) 976s. ISIOORUS DE VILLAPADIERNA