BCCCAP00000000000000000000546

584 DE ANIMA CORPORIS MYSTICI, th. 36, n. 585 Id ipsum denique probari posset ex ipsa historia Ecclesiae Catholi– cae, juxta quam Ecclesia apparet tamquam Mater omnium christifide– lium, immo et omnium gentium et populorum. Et revera, Jam ab ipsis primordiis Christianismi, Sancta Mater Ecclesia apparet tamquam sal bonas essentias conservans (Mt 5, 13), tamquam fermentum, totam massam in meliorem substantiam trans– formans (Mt 13, 33). Hoc divinum elementum, in natura humana per Ecclesiam veluti insertum, est principium vere dynamicum et vivum, nullo modo staticum, sua actione perenni mundum universum tran3- formans (27). Et revera, quis umquam enumerare poterit quot et quanta fuerint beneficia, quae tum hominibus in particulari tum omnium gentium po– pulis ex sinu Sanctae Matris Ecclesiae undique diffusa fuerint ... Si rem bene consideres, ipsam Ecclesiam dices velut flumen, quod crevit a mari usque ad mare, undas suas doctrina et gratia, amare et pace re– fertas, per totum terrarum orbem, veluti diffundens. Et re quidem vera, Ecclesia modo vivificante et vere materno, directe et indirecte, in massa humanitatis influit: Directe in christifideles, quasi omnium gressus sollicite dirigens in viam salutis aeternae, vitam supernaturalem per baptismum infundit et omni die per sacramenta crescere facit, inter quae primissimum erit Sanctissimum Eucharistiae sacramentum; ex hac juvaminum copia fit ut sanctitas eximia et heroica velut corona fulgida in Matrís Ecclesiat' fronte praeluceat; ut non pauci christifideles consilia evangelica totis viribus ad unguem observare satagant; ut adhuc multo majar pars Legis Dei praecepta habitualiter sat bene observent; ut denique iis, qui, fragilitate humana vincti, nec Legis Dei praecepta observare possunt, media apta maternaliter praestat ut vitam supernaturalem, quam in baptismo susceperunt, saltem in hora finalis exitus Extrema Unctione et Eucharistico Viatico feliciter consequantur. Indirecte in massa humanitatis influit, omnibus populis et nationi– bus tamquam columnam et fundamentum veritatis sese commonstrans, quasi argumentum vere comprobativum sententiae evangelicae: «Et cognoscetis veritatem et veritas liberabit vos» (Jo 8, 32). Omnes omnino gentes Ei tribuere debent multa beneficia, quae tum ad dignitatem hu– manam tum ad ejus personalitatem exspectant. Cultura occidentalis quae melius christiana vocari deberet, ut ipsissimae existentiae funda– mentum dogmata essentialia profitetur circa originem mundi, circa exis– tentiam Dei, circa naturam societatis humanae et humanae libertatis, ab ipsa Ecclesia propugnata. Et melius adhuc sine dubio res politicae et oeconomicae in bonum commune proficerent, si Ecclesiae orienta– tiones morales diligentius sequerentur. Hinc mirum non est si cathedra Petri, e Vaticani calle lucens, ab omnibus consideretur tamquam ma– xima auctoritas moralis in hoc mundo existens. ÓRIG., In Prov., 17, 3; MG 17, 202; TERTULL., De Matr., 11; ML 2, 943; s. CHRYS., In Evh., cap. 5, Hom. 20, 1-3; MG 62, 136-140; s. AUGUS., Scrmo 213, 7; ML 38, 1063; Scrmo 130; ML 52, 557; Epist 243, 8; ML 33, 1057; EJJist. 34, 3; ML 33, 132. (27) Cfr. R. EucKEN, Die Lebensanschaungen der gossen Denker (Leipzig, 1907). p. 152.