BCCCAP00000000000000000000546

576 DE ANii\IA CORPORIS l\IYSTICI, th. 36, n. 580-581 Hoc enim gratiae veritatisque Flamine F'ilius Dei in ipso intaminato Virginis sinu animam suam ornavit; hic Spiritus in deliciis habet in almo Redemptoris animo tamquam in templo suo dilectissimo habi– tare; hunc Spiritum proprio effuso cruore Christus nobis in Cruce promeruit (6). b) Spiritus Sanctus, ex hac Christi plenitudine, Ecclesiam effusione uberrima replet, ita «ut ipsa ejusque singula membra magis in dies magisque Servatori nostro adsimulentur» (7). Ille est qui juxta Christi Domini promissionem, modo adspectabili Ec– clesiam compenetravit, et efflans deinceps super Apostolos, Ecclesiae ad peccata remittenda largitus est. Spiritus Christi est qui nos adop– tivos filias effecit... Ille est qui in inferioribus per superiorum mi– nisterium operatur. Ille denique est qui dum Ecclesiae nova semper in dies, sua affiante gratia, incrementa parit, membra tamen, a Corpore omnino abscissa, renuit sanctitatis gratia inhabitare (8). e) Spiritus Sanctus totum Corpus Ecclesiae ejusque membra ita compenetrat ac vivificat ut recte dicatur ejus anima: nam est totius Corporis principium unitatis organicae; etenim: Hule Christi Spiritui, tamquam non adspectabili principio id quoque tribuendum est, ut omnes Corporis partes tam inter sese, quam cum excelso Capite suo conjungantur, totus in Capite cum sit, totus in Corpore, totus in singulis membris. Est etiam principium actionis vitalis totius organismi: Ille est qui caelesti vitae halitu in omnibus corporis partibus cujusvis est habendus actionis vitalis ac reapse salutaris principium... ; pro diversis eorum muneribus atque officiis, pro majore vel minore, quo fruuntur spiritualis sanitatis adsistit... Quam quidem Jesu Christi Spi– ritus pracsentiam operationemque sapientissimus Decessor Noster imm. mem. Leo XIII Encyclicis Litteris Divinum Illud per haec ver– ba presse nervoseque signlficavit: Hoc affirmare sufficiat, quod cum Christus Caput sit Ecclesiae, Spiritus Sanctus sit ejus anima (9). 581. Doctrina Sti. Pauli.-Antequam tamen argumentum conficia– mus, aliqua praemittere oportet notatu dignissima: 1. 0 ) Verum est quod Stus. Paulus nullibi dixerit expressis verbis quod Spiritus Sanctus sit anima Corporis Christi Mystici, seu Ecclesiae; sed id non obstat quominus in ipso inveniantur omnes ideae et conceptus quibus actio Spiritus Sancti in Ecclesia indicatur; quo factum est ut merito ipsi Sancto Paulo, in decursu temporum, haec doctrina de ani– ma Corporis Christi attributa fuerit. (6) !bid, p. 219. (7) !bid., P. 219. (8) Ibid., P. 219-220. (9) Ibid., p. 219-220.