BCCCAP00000000000000000000546

DE DIVINA TRADITIONE, th. 30, n. 465-466 477 gentibus ac sapientissima Providentia ita disponente, revelationem scrip– tis mandarunt; antequam scilicet ulla pagina sacra conscriberetur, perspicimus Ecclesiam Christi fundatam, ac per orbem terrarum jam diffusam. Ipsa denique scripta Novi Testamenti traditionem oralem praesup– ponunt (Le 1, 1-4; 2 Thess 2, 5, 15). b) Ratione integritatis, nam in libris inspiratis non continetur in– tegra doctrina revelata; id patet ex dictis, nam si Jesus Christus nihil umquam scripsit; si maxima Apostolorum pars aut nihil aut parum scriptum reliquit; si, denique, illi qui scripta in lucem ediderunt, nonni– si data opportunitate id fecerunt, sine negotio concluditur traditionem oralem superasse, ratione doctrinae, revelationem scriptam. Praeterea, ad eamdem conclusionem pervenire possumus si attenda~ mus ad catalogum veritatum revelatarum, quae ad nos usque pervene– runt ex sola revelatione orali. Meminisse sufficiat valorem baptismi in parvulis (11), validitatem baptismi ab haereticis collati, interpretationem illius: «Nisi manducaveritis carnem Filii hominis et biberitis ejus san– guinem, non habebitis vitam in vobis» (Jo 6, 53) (12), perpetuam Vir– ginitatem Matris Dei, ejusque in caelum gloriosam Assumptionem (13), numerum septenarium sacramentorum, nec plura nec pauciora... e) Ratione interpretationis, nam interpretatio Sacrae Scripturae saepissime Traditione indiget, sed non viceversa. «Veritas fidei in Sacra Scriptura (aliquando) diffuse continetur et variis modis, et in quibusdam obscure, ita quod ad eliciendum fidei ve– ritatem ex Sacra Scriptura requiritur longum studium et exerci– tium» (14). 466. Sed dices.-Ecclesia ut Magistra infallibilis, cui depositum reve– latum semel pro semper commissum fuit, gaudet assistentia Spiritus Sancti ad interpretationem Sacrarum Scripturarum. Ergo traditione orali ei opus non est quando agitur de interpretatione Sacrae Scrip– turae. Respondeo: a) Certo, Ecclesia, utpote Magistra infallibilis, genera– tim loquendo, potest, ex sola interna analysi, authentice declarare sen– sum Scripturae, et quidem vi sui muneris; sed quasnam Ecclesia decer– neret practicas determinationes, in rebus saltero difficillimis, absque orali traditione? b) Multa sunt quae cum Sacra Scriptura relationem habent, quae tamen de facto nonnisi Traditione scimus; sic e. g., uti in parte sequen– ti probabimus, inspiratio omnium et singulorum librorum Veteris et Novi Testamenti tantum ex Traditione demonstrari potest. (11) «Si quis parvulos recentes ab uteris matrum baptizandos negat... A S.» Conc. Trid., D 791. (12) «Eadem sancta !Tridentina] Synodus ctocet, parvulos usu rationis carentes nulla ob!igari necessitate ad sacramentalem Eucharistiae communionem». D 933. (13) Tamen sunt qui hanc praerogativam in Scriptw·a formaliter i1nplicite con– tentam inveni2nt. (14) II-II, q. 1, a, 9, ad l.