BCCCAP00000000000000000000546

DE INFALLIBILITATE ROM. PONTIFICIS, th. 28, n. 430 433 Tertium argumentum.-Petrus et Romanus Pontifex, vi Primatus. habent potestatem plenam et supremam super universam Ecclesiam (cf. th. 20.ª). Atqui facultas infallibiliter docendi est vera potestas. Ergo facultas infallibiliter docendi continetur in potestate plena et suprema. Consequentia patet, nam si facultas infallibiliter docendi non con– tineretur in potestate plena et suprema, a Christo Petra et Romano Pontifici concessa, eo ipso dicere deberes facultatem infallibiliter do– cendi residere in aliquo tertio subjecto, et tune potestas Petri et Ro– mani Pontificis nullatenus dici posset plena et suprema. Argumentum quartum d-esumitur ex verbis Lucae 22, 31-32. Omnes fere auctores argumentum conficere solent ex istis verbis. Jam illud confecerant, ínter alios, PELAGius Papa (579-590), De unicitate Ecclesiae CD 246), et LEO IX (1049-1054), in Epist. ad Mich. Cerularium CD 531), et Concilium Vaticanum CD 1836) cum de infallibllitate Romani Pontificis ageret _(3), et LEO XIII, in Encycl. Satis cognitum (ASS 28, 728). Cum contextus specialem claritatem afferat, opportunum duximus totum textum transcribere; pastea, de more, venient conclusiones. Evangelista refert in hoc loco institutionem Eucharistiae; Passio proinde imminet. In hoc contextu: Le 22, 24 F'acta est autem contentio ínter eos, quis eorum videretur esse majar. 25 Dixit autem eis: Reges gentium dominantur eorum: et qui potestatem habent super eos, benefici vocantur. 26 Vos autem non sic: sed qui major est. in vobis, fiat sicut minor: et qui praecessor est, sicut ministrator. 27 Nam quis mafor est, qui recumbit an qui ministrat? nonne qui recumbit? Ego autem in medio vestrum sum, sicut qui ministrat: 28 Vos autem estis, qui permansistis mecum in tentationibus meis: 29 Et ego dispono vobis sicut disposuit mihi Pa– ter meus regnum, 30 ut edatis, et bibatis super mensam meam in regno meo: ut sedeatis super thronos judicantes duodecim tribus Israel. 31 Ait autem Dominus: Simon, Simon, ecce Satanas expetivit vos ut cribaret sicut criticum: 32 ego autem rogavi pro te ut non deficiat fides tua: et tu, aliquandp conversus ( 4), confirma fratres tuos. Evangelista statim Passionem Christi iterum nuntiat, et narrat ea quae in monte Olivarum locum habuere. Argumentum sic effici consuevit: Uti ex ipso contextu apparet, ser– mo erat inter discipulos de Primatu: quis eorum videretur esse majar. Jesus miram lectionem humilitatis Apostolis praebet, sed simul aneto- (3) Tamen Episcopus GASSER advertit: «Hujusmodi authentica declaratio non potuit intendi, et si intenta fuisset, utique etiam disceptatio hac re in Con– cilio agenda fuisset». Msi 52, 1222. (4) Alii vertunt: «Post trinam negationem a peccato conversus»; alii: «Ego rogavi pro... tu vicissim confirma fratres tuos)) ... ; alii denique : «Tu con– verte te ad fratres tuos, eosque confirma in fide». THEOL. FuNDAMENT.-30.