BCCCAP00000000000000000000546

DE SUCCESSORE PETRI, th. 23, n. 352-353 351 2. Jam id ipsum definitum fuerat in Concilio Florentino: Romanum Pontificem in universum orbem tenere Primatum, et ipsum Pontificern Romanurn successorem esse beati Petri... et ipsi in beato Petro pascendi, regendi ac gubernandi universalem Ecclesiam a Do– mino nostro Jesu Christo plenam potestatem traditam esse .(D 694). 3_ Substantialiter etiam Concilium Lugdunense, a. 1274, eamdem definitionem dederat (D 466) quam Concilium Vaticanum simpliciter commemorat ac reproducit (D 1826). 4. De hac quaestione, alia plura ecclesiastica documenta recensen– tur in D 1826; ibi (editione 1928), in marginalibus adnotationibus, 35 citantur. Addi possunt: LEO XIII in Encycl. «Sapientiae christianae)) (D 1936 a, c), in Encyc. «Satis cognitum)) (ASS 28, 729-732), et Prns XII in Encyc. «JYiystici Corporis» (AAS 35, 210-227). 5. Fundamentum scripturisticum ac Traditionis ex argumentatione judicari poterit. 353. Probatur thesis.-In ha thesi duo proponuntur, videlicet: a) Ro– manum Pontificem semper tenuisse locum et munus Petri, et b) hoc accidisse quia perpetuitas Primatus fuerit a voluntate Christi semel pro semper decreta, non vero ob circumstantias mere humanas. Sit igitur nostrum argumentum: Si Primatus debet esse, ex voluntate Christi, perennis, eo ipso sequitur aliquem existere debere qui, etiam ex voluntate Christi locum et munus Petri visibiliter teneat. Atqui iste est Romanus Pontifex, et non alius. Ergo Romanus Pontifex est jure di•-. vino successor Petri. Prob. minar.: Agitur de quodam facto historico, quod debet docu~ mentis historicis demonstrari; documenta autem historica id obtine– bunt. si nobis exhibeant: a) Ipsos Romanos Pontifices sibi adscripsisse munus primatiale et exercitium hujus muneris; b) testes probatissimos priorum saeculorum hanc praerogativam, a Romanis Pontificibus sibi attributam, confirmasse ac propugnasse, et e) totam Ecclesiam id ipsum proclamasse. Atqui ita est. Ergo. Prob. nova minar.: Testimonia quatuor priorum saeculorum sufficientissima sunt; in– eludas tamen, si velis, Concilium Ephesinum (a. 431), in quo Legatus Pontificis primatum declaravit omnibus notum; id tamen non requiri– tur, quandoquidem ipsi adversarii admittant Romanum Pontificem, in hoc tempore, existimatum fuisse successorem Petri in primatu.