BCCCAP00000000000000000000546

ARTICULUS II De probatione legationis divinae Christi per argumenta confirmativa. 219. Connexio materiae.-In thesibus praecedentibus probavimus, argumentis primariis absolute demonstrativis, Jesum suam legationem divinam, seu Messianitatem, demonstrasse, vaticiniis scilicet tam Vete– ris quam Novi Testamenti, miraculis ordinis ilhysici et praesertim resu– rrectione. Sed non desunt alía argumenta quae, etsi minus stringentia, valida etiam dici debent, aut saltem confirmativa; haec alía argumen– ta desumuntur ex charactere personali Christi, ex ejus mirabili doctri– na et propagatione, ac tandem ex heroica martyrum constantia; qua– propter in distinctis paragraphis de ipsis dicendum est. § I.-EX CHARACTERE PERSONAL! CHRISTI THESIS 15.ª: Testimonium Jesu de sua messianitate comprobatur ex ejus charactere intellectuali et morali. 220. Status quaestionis.-Testimonium alicujus in tantum valet in quantum procedit a persona intellectualiter bene aequilibrata et mora– liter sancta; hinc quaeritur in praesenti utrum testimonium Christi his duabus qualitatibus gaudeat; absolute enim repugnare videtur exis– tentia hominis probi, intelligentissimi et bene aequilibrati, qui, in re tanti momenti, fuerit hallucinatus. Respondemus igitur in thesi dicendo Christum aequilibrium undequaque perfectum habuisse (1). Vis igitur nostrae argumentationis abunde patebit, si demonstremus Christum non tantum fuisse portentum intelligentiae, sed etiam sanc– tatis, tale scilicet quod sine divina interventione explicari non possit. (1) In hoc aspectu aequilibrii insistimus, quia per se horno ingenium extraor– dinarimn possidere valet, voluntatemque rectissimam; tamen anormalitate (e. g. illusionibus) eum laborare posse, quis negare poterit?