BCCCAP00000000000000000000546

DE PROBATIONE l.\1ESSIANITATIS EX VATICINIIS, th. 10, n. 159-160 133 Praeterea, talis sensus opponitur cunctis versionibus et veteribus interpretibus. b) Qui mittendns est (a schalah) vertitur: Rex pacificus, auctor pacis, pax. Proinde: «donec veniat pax, vel Rex pacificus». Ita Stus. Hieronymus, Keü, Patrizzi, etc. Donec: per se duo significare potest: vel «principatus auferetur a Juda, quando venerit qui mittendus est» seu Messias; vel «principatus ante ejus adventum cessabit», quin affirmetur post ejus adventum in– termissurum iri. Adimpletio. Sensus igitur probabilior hujus loci sic enuntiari potest: «Donec venerit Prínceps pacis», Juda in caeteris tribubus praeemi– nentiam exercet; cum vero ille venerit, in Messia et per Messiam, suum extendet influxum spiritualem, et quidem in perpetuum, ad universas gentes. Hoc tantum in Messia verificatum est. In praedicta interpretatione aliquo modo .indicatur etiam tempus; si dominationem temporalem Judae exstinctam videmus, scire jam pos-• sumus adventum Messiae verificatum fuisse. Jamvero, uti ex historia patet, adveniente Jesu, autonomía judaica declinare coepit; jam temporibus Herodis Idumaei, nomine Romanorum regnantis, sceptrum temporale a tribu Jucla practice aufertur, et cum destructione Hierosolymitana penitus evertitur. Sed Evangelium, id est, regnum spirituale, per orbem terrarum promulgatum videmus. Heb 7, 14 Manifestum est enim quod ex Juda ortus sit Dominus noster; in qua tribu nihil de sacerdotibus Moyses locutus est. Apoc 5, 5 Et unus de senioribus dixit mihi: Ne fleveris: ecce vicit leo de tribu Juda, radix David. 160. 3.º) Ex vaticinio Balaam.-Locum habuit quadraginta annis post egressum populi Israel de Aegypto. Instrumentum, seu propheta, fuit Balaam. Scrutentur omnino circumstantiae hujus prophetiae apud Numeras c. 22-24, ubi miraculosa interventio divina clarissime resplen– det. En oraculum quod ad rem nostram spectat: Num 24, 17 Videbo eum, sed non modo: intuebor illum, sed non prope. Orietur stella ex Jacob, et consurget virga de Israel; et percutiet du– ces Moab, vastabitque omnes filias Seth... 24 Venient in trieribus de Italia, superabunt Assyrios, vastabuntque Hebraeos, et ad extremum etiam ipsi peribunt. Stella ex Jacob ... , virga ex Israel, promissiones supra memoratas in memoriam revocant. Adimpletio. Ex constanti traditione judaica, hic loquitur de futuro rege, qui om– nia plane subjiciet, de Messia. Propheta enim eum vidit, non modo sed post longum tempus; non prope, sed in distans. Concedimus pro– phetiam in se obscuritate laborare; tamen-attentis aliis prophetiis-, ad designationem triumphi spiritualis Messiae super omnes populos, optime inservire potest.