BCCCAP00000000000000000000546

86 DE COGNOSCIBILITATE J:V1IR-".CULORUM, th. 7.\ n. 99-101 supernaturali alicujus operis, judicium potius suspendendum -est. Ita SPINOZA, HARNACK, HUNZINGER, MENECOZ, BARTH (2). 100. Nota theologica.-De fide divina catholica et definita. Fontes: l. Concilium Vaticanum: «S. q. d., revelationem divinam externis signis credibilem fieri non pos– se ... a. s.» .(D 1812). «S. q. d., miracula nulla fieri posse ... aut miracula certo cognosci num– quam posse nec iis divinam religionis christianae originem rite probari, a. s.» .(D 1813). 2. Conferatur etiam D 1790, in thesi praecedenti citatus, n. 94 ubi clarissime proponitur doctrina Ecclesiae. Cf. Etiam professio fidei antimodernistica, n. 94. 3. L. Bautain (a. 1840) hanc propositionem subscribere debuit: <<Probatio ex miraculis Jesu Christi desumpta, sensibilis et percellens pro testibus ocularibus, vim suam et fulgorem nequaquam amisit quoad generationes subsequentes» .(D 1624). 4. Christus Dominus et apostoli ad miracula appellant in signum originis divinae revelationis, uti suo loco videbimus. Pars. l.": Veritas historica certo cognosci potest. 101. Probatur.-Uti jam diximus, conditio essentialis miraculi apo– logetici est quod sit opus sensibile; jamvero, si opus sit sensibile, et sen– sus testium sint omnino normales, et si eorum attentio expresse feratur in cognitionem istius operis sensibilis, nemini umquam dubium esse potest quod cognitio sit possibilis. Sub hoc aspectu, non aliter se habet res ac si ageretur de quolibet alio facto historico, quod sub sensibus cadat; immo potius, a fortiori id dicendum est de miraculis, eo quod sint facta extraordinaria maxime apta ad attentionem excitandam; denique, si opus sensibile miraculo– sum locum habeat coram multis testibus, ejusdem cognitio facilior di– cenda erit. Ille vero qui a patratione miraculi absens fuit, potest nihilominus et ipse scire et accipere veritatem miraculi ex testimonio alieno, nam ad hoc tantum requiritur quod testis sit fidedignus, id est quod sibi constet de ejus scientia et veracitate. Nec aliter procedunt ipsae scientiae, non tantum religiosae, verum etiam experimentales et mathematicae, quae, uti constat, testimonio aliorum morali nituntur. Ergo veritas historica, seu cognitio operis sensibilis, certo cognosci potest. (2) Cfr. H. FELDER, Apologetica... , t. I, p, 82.