BCCCAP00000000000000000000544

GALILAEA GENTIUM - SAMARIA 27 f) Tiberias; erat ad oram occidentalem lacus, seu maris ab ea no– men habentis, « mare Tiberiadis » (Jo. 6, 1, 23; 21, 1); fundata est anno 26 ab Herode Antipa, qui in honorem Tiberii nomen ei Impe– ratoris indidit, suamque residentiam tetrarchialem constituit, unde re– putabatur caput Galilaeae. Hodie vocatur Tabariyeh. Nota - Galilaea Gentium - « g•lil-haggoiim » = (circulus gentium): ita vocabatur illa pars Galilaeae mari Tiberiadis adjacens, et Syriae atque Phoeniciae contermina, quam multi gentiles incolebant; ob com– mercium cum eis et vicinitatem regionibus paganis, incolae illius regionis multo majori ignorantia Legis laborabant, et densioribus .tenebris ca– ligabant: ideo lux magna, - Messias videlicet, qui illuminare gentes venturus erat, - eis modo speciali promittitur .· exoritura (Is. 8, 23; 9, ,1; [Vglt. 9, 1-2]) 36. Inter « terram Zabulon » (Galilaea inferior), et « terram Nephtali » (Galilaea superior) transibat magna via merca– toria AEgyptum Damasco conjungens, quae appellabatur « vía maris »: ex AEgypto nempe per Negeb, Sephela et Saron ascendebat usque Dor, unde ad orientem deflectebat per planitíem Esdrelon, quam a Mageddo usque Beisan totam percurrebat; hinc iterum ad Septentrio– nem ibat per ripam occidentalem Jordanis et lacus Genesareth, ínter quem et lacum El-Hule trajiciebat Jordanem, et Damascum petebat, atque ulterius in regiones Euphrateenses ducebat. - Medio aevo « Vía maris » dicebatur via brevior, quae Damascum cum Akka (S. Giov. d'Acre) et Ptolemaide conjungebat, eodem loco ac via antiqua Jordanem trajiciens. B - In Samaria a) Sebastiye, super ruinas antiquae urbis Samariae aedificata, dono data est Herodi Magno ab Augusto, in cujus honorem ipse He– rodes eam amplificatam et munitam nominavit Sebastem (h. e. Au– gustam). b) Sichem, hodierna Balatha, (prope Nabulus = Flavia Neapolis, Patria S. Justini Martyris), sita erat ínter duos montes Garizim et He– bal, in Veteri Testamento celeberrimos (Jos. 8; 24); mons .ad meri– diem erat Garizim, super quem Samaritani, saec. IV ante Christum, Templum aedificaverant, quod ab Antiocho IV Epiphane pollutum 36 Cfr. Mt. 4, 12-16: Evangelista videt hanc prophetiam lsaiae impletam in prae– dicatione Jesu in Capharnaum et viciniis eius.