BCCCAP00000000000000000000544

170 EVANGELICA CONCORDIA rumque deficiant, et saepe etiam in incerto maneat an evangelistae in narrationibus suis idem factum an diversum respiciant. B - Applicatio horum principiorum. - 1 º) Ah ínítio usque ad primum Pascha. - Omnes quatuor evangelistae narrationem incipiunt per Baptistae praedicationem; deinde soli Synoptici narrant baptismum Jesu, ejusque jejunium et tentationes in deserto; inde magna lacuna Synopticorum, ministerium Jesu in Judaea usque ad incarcerationem Baptistae praetermittentium, quae a Joanne completur: ab eo discimus Jesum, post tentationes superatas, non statim ivisse in Galilaeam, ut ex Synopticis videri posset, sed ad Baptistam iterum rediisse; ibi pri– mos discipulos (Andream, Joannem, Simonem Petrum, (Jacobum fratrem Joannis1), Philippum et Nathanaelem (Bartholomaeum1) sibi adsciscit, cum quibus in Cana Galilaeae convivio nuptiali assistit, et primum signum facit. Inde descendit Caphamaum, ubi mansit « non multis diebus », post quos ascendit in Jerusalem ad primum Pascha. 2º) A primo Paschate ad secundum. - Narrat Joannes quid fecerit Jesus Hierosolymis in die festa; purgavit Templum a profanatoribus, et multa signa fecit, quibus tamen pauci commoti sunt: inter eos fuit Nicodemus, quem Jesus de regeneratione spirituali edocuit. - Relicta urbe Jerusalem, ubi oppositio magnatorum adversus eum jam incepe– rat, secessit in regionem Judaeae, et eam praedicando peragravit: il– licque demorabatur = (até--c-pt~e:v) per octo fere menses, (cfr. Jo. 4, 35); usque dum Joannes in carcerem missus, signum fuit Jesu ut, Judaea relicta, in Galilaeam transiret: iter faciens per Samariam, · ad puteum Jacob prope Sichar mulierem samaritanam convertit, et vici incolas, inter quos biduo mansit (Jo. 4, 1-42). Hucusque complet Joannes la– cunam Synopticorum, qui fose describunt praedieationem Jesu in Ga– lilaea, de quo Joannes hoc primo anno nil aliud refert quam secundum signum Jesu in Cana Galilaeae, nempe, sanationem filii reguli Caphar– naitae. - Secundum Pascha implicite indicatur a Synopticis in facto discipulorum spicas vellicantium, quod juxta multas respondet festo anonymo Jo. 5, 1. - Unde, omnia illa quae ponuntur a Synopticis inter initium ministerii galilaici et illud factum in Sabbato secundo primo, adscribenda sunt primo anno, facta prius concordia Synopticorum inter se. Matthaeus narrationem de spicis confricatis habet 12, 1-8; sed in praecedentibus, ob methodum suam, multa ponit quae post hoc tempus gesta sunt; ideo debent seligi ex Matthaeo pro hoc primo anno illa quae habet communia cum Me. 1, 9-2, 23; et cum Le. 4, 14-6, 1; sermo montanus v. gr. non primis illis mensibus ministerii galilaici, sed serius, uti eruitur ex Luca (6, 17-49), habitus est.