BCCCAP00000000000000000000365

438 Elizondo vi alterius oraculi prioris defectum subsanantis. Ideoque apprime investigandum est in quolibet casu circa eorumdem existentiam et sensum. Imprimís attentos nosmetipsos facere debemus ad efficaciam iuri– dicam horum circa Regulam oraculorum. Nam vivae vocis oracula, sive motu proprio aut ad instantiam partís, sive personis privatis aut officialibus curiae data, sive authenticata ve! non, sive approbatio concedatur per eorum intimationem aut per subsequens documentum aut aliud oraculum pontificium, pro foro seu irz foro interno vel con– scientiae eamdem omnino habent efficaciam (id est, ille cui talia oracula diriguntur frui potest gratiis concessis, quamvis diversis in casibus has gratias et declarationes possint superiores ignorare), et insuper idem robur possident ac gratiae et privilegia in scriptis concessa (8). Immo, iuxta non paucos auctores, facultates per oracula factae maio– rem vim in quibusdam rebus obtinent quam scripto concessae, in clausula enim privilegiorum revocatoria, dum specialis de iisdem mentio non fíat, non videntur comprehendi (9). Ut pro foro seu in foro externo oraculum evincatur requiritur prae– terea documentum in iure validum de oraculo prolato. Quamvis oracula pro foro interno intimata etiam publice possint in praxim deduci (10), ante legitimam tamen probationem non possunt iuridice sustineri si agatur de oraculis onerosis (id est, adversus aliquem obtentis) aut gratiosis sed ab aliquo legitime oppugnatis (11 ). Iamvero notandum est oracula circa Regulam, quamvis non sint authenticata, posse in foro externo probari, et tune etiam in foro externo vim suam exer– cent (12), si pro foro interno tantum non sint obtenta. (8) Cf. SALMANTICENSES, REIFFENSTUEL, PIATUS MONTENSIS, MAROTO, VAN HovE, in operibus citatis in notis 6 et 7. (9) Cf. PIATUS MONTENSIS, op. cit. 156 cum auctoribus ab eo al!atis; DIDACUS AB ARAGONIA, op. cit. n. 5-9, pp. 27a-29a. (10) Auctores plus minusve explicite hoc negabant, v. gr., SALMANTICENSES, op. cit. tr. 18, c. 1, n. 32, p. 394a; SuAREZ, Tractatus de legibus, l. 8, c. 6, 11. 11, ed. VIVES VI, p. 248a; REIFFENSTUEL, op. cit. 11. 149, p. 355a; FERRARIS, op. cit. n. 2 et 6, p. 373a. (11) MICHIELS, op. cit. · VAN HOVE, op. cit. n. 309, p. 291s.; MAROTO, op. cit. 406. (12) REIFFENSTUEL, op. cit. n. 164, p. 357b; FERRARrs, op. cit. n. 18, p. 377b; MAROTO, op. cit. 406s.; MICHIELS, op. cit. 533s.; VAN HOVE, op. cit. 11. 305, p. 289.